BM Tel Rotik dank 03

Dɔnkili sabanan

<poem> Mɔkɔ juku ! Jen ye Mɔkɔ juku lɔn ba ? Mɔkɔ juku ! Njaka ! Mɔkɔ juku tɛ lɔn ! Mɔkɔ juku wilira jukuya la. Mɔkɔ juku k’ale bɛna dɔlɔnin don. A tagara ba-tan-segiɲɔ kɛ ji rɔ, A d’a bila ka fɛden, A d’a lawili, A de ɲɔ felen lawili, A d’a yɛrɛkɛ tele la fɛrɛ-tɛ-tɛ, A d’a susu koto-koto, A d’a tenten yɛkɛ-yɛkɛ, A d’a nɔɔni dru tutu-tutu, A d’a siki ta rɔ yɛkɛwu. A d’a wili fuyayi-fuyayi, A d’a lamaka bukayi-bukayi, A d’a sensen jiro-totototo, Coro totototo, A d’a siki sere-tete-tete, K’a jurunin ta k’a bil’a ju la bukanwu. Dɔlɔ wilira fuyayi-fuyayi, Ka n’a kanka la tototo. Mɔkɔ juku wilira k’a bɛ teri ɲini. ɲi kelen faga, Ko gɛlen tɛ wɔ, A filanan sɔrɔ, Ko gɛlɛn ye dɛ ! Mɔkɔ juku bɛnda ni njɛbɛrɛnin ye. N teri njɛbɛrɛnin lee ! Iyo ? Ne na dɔlɔnin syɛnni don, Ne t’a fɛ ka mɔkɔ kil’o ma, F’e kelen pe, i bɛ na wa ? Lon jenni don ? Ani bɛ bɛn wojuma lon na. Dɔlɔnin dɔ n’an fila bɔ. N bɛ na han ! Mɔkɔ juku wara ɲɛ fɛ. A bɛnda ni syɛnin di. N teri syɛnin ye lee ! Iyo ! Ne na ka dɔlɔnin don, a man siya. Ne t’a fɛ ka si si wele o la f’e kelen pe, I rɔja ka na. Lon jenni don ? Ani n’a min wojuma lon. Dɔlɔnin ka dɔgɔ sa, Nk’a n’an bɔ. Wo don na diya ne ye, N bɛ na. Mɔkɔ juku tɛmɛnd’iko. A bɛnda ni kolonkari di : N teri kolonkari lee ! Iyo ? Ne na ka ɲɔnin kɛ ji rɔ, Ne nun t’a fɛ, e kelen pe kɔ, Mɔkɔ si k’o nɛkɛnɛkɛ N b’i del’i k’i rɔja Ka na n dɛm’a la. Dɔlɔnin ka dɔkɔn sa Nk’a n’an fila bɔ bɛdɛ. Lon jenni ? Wojumalon sɔkuma. Tabarikala ! n na na ! Mɔkɔ juku tɛmɛnda. A ni dosokɔrɔ kunbɛnda teru. A ko : ‘N teri dosokɔrɔ lee ! Naamu ? N na dɔlɔnin don. A na bɛn wojuma lon sɔkɔmala ma. N don t’a fɛ ka mɔkɔ wɛrɛ wel’e kɔ. O bɛnni n m’a diyara n ye, N na na. Dɔlɔnin n’an bɔ bi yo. Mɔkɔ juku brɔɔ ka tɛmɛ. A ni bolokalan kunbɛnda. A k’o ma : ‘N teri fɔlɔkɔ lee ! Iye ! N na ka dɔlɔnin don N t’a fɛ fyɛwu mɔkɔ gwɛrɛ k’o nɛkɛnɛkɛ N’e kelen pe tɛ. A mintɔ lon jenni ? A ! N n’a ni dɔbɛn k’a siki wojuma lon kan. Sɔkɔma ba ? Ɔn hɔn, sɔkɔma jati. N na wa. Mɔkɔ juku tɛmɛni A ni Jaturufin bɛnda. A ko : ‘ N teri nama lee ! Iye ! An bɛnko ɲara : ne na dɔlɔ don. Ne nun tɛ mɔkɔ si kil’o kama, N’e kelen tɛ. A na bɛn wojuma ma. I n’i rɔja ka n’o lon han ? Uwi ! ne na to kɔ. Mɔkɔ juku walen ɲɛ fɛ, A ni Jara d’a la ɲɔkɔn tɛkɛ tɛru. A ko : ‘ N teri Jara lee ! Iyo ? N na ka dɔlɔ don. N b’a fɛ e kelen kɛ na n dɛmɛ k’o min, I rɔja ka na, n fa. Lon jenni ? Wojumalon kɛ ! N na n’o lon. Mɔkɔ juku bɔra yen ; A ni tutu dankalan kunbɛnda : N teri dankalan de ! Han ? I tɛ na wojuma lon ka n dɛmɛ Ka k’na dɔlɔnin min wa ? E kelen kɔ, ne tɛ mɔgɔ si wele. Dɔlɔnin n’an bɔ. Ɔnhɔn, n na na. Mɔkɔ juku ni donsokɛ bɛnda. A k’o ma :’Karamɔkɔ de ! » Iyo ! Ne na dɔlɔnin don K’a bɛn wojuma lon ma. N b’i kelen pe kil’o ma. I bɛ na wa ? Ee yo, n bɛ na. Wo kɔ, Mɔkɔ juku ni Nkɛɛrɛnin bɛnda. A ko : ‘ N teri Nkɛɛrɛ lee ! Iyee ? Ne ne dɔlɔnin don. E kelen dunduguma y’o di, I bɛ na wojuma lon na wa ? An k’a min, an fila ? N na nâ kɛ ! Mɔkɔ juku ! Heiyo ! Mɔkɔ juku nakan ! Mɔkɔ juku ! K’ale ye soma d’iko. Mɔkɔ juku ! Heiyo ! Mɔkɔ juku donkan ! Mɔkɔ juku ! K’ale ye cɛnmasa di, Mɔkɔ juku ! Heiyo ! Mɔkɔ juku nalen, Mɔkɔ juku ! K’a ye doma d’iko. Mɔkɔ juku ! Hawa ! Mɔkɔ juku ko ten : Mɔkɔ juku ! K’a ye jina yela di. Mɔkɔ juku ! Aï ma Mɔkɔ juku ye ba ? Mɔkɔ juku ! Jenni ye Mɔkɔ juku lɔn ba ? Mɔkɔ juku ! Njaka ! Mɔkɔ juku tɛ lɔn na ! </poem>