Wadja icde vayara
Un article de Wikikrenteem.
|
Ping sersik ke Jin gazaxo pu wiiskaf Shi Kuang intaf lexatavesik konviele ve kaliyir : – Va nevanha se co-djubelipí ise co-djuvayapá, vexe tí lopersandaf nume tozura tir gaversafa. – Ede tir gaversafa, tokdume me askil da cazi yo zo anteyad ? lexatavesik ve dulzeyer. Sersik ve zo gevayar : – Jin icde gorstaca yo pulví voxe rin krandel ? Lexatavesik ve kaliyir : – Anton tí copaf wiiskik, tokinde eblé da do sersik rin krandé ? Jinafa sugdalanaca tir da viele kontan bak jotugal toz vayar, tir dum sizuntafa gazdafa awaltara ; bak milgugal toz vayason, tir dum mirastifa miafizafa awaltara, ise bak guazugal toz vayason, tir dum caziteyka, afimi en, vexe kas batcoba me tir lokiewafa dam entapeduca ? – Rin ovenhel, sersik ve dojeniayar. |
