Micaleem is frunkueem
| ||||
|---|---|---|---|---|
| Vergumvelt | Fourmis et termites | |||
| Sutesik | - | |||
| Piskura | - | |||
| Ava | Francava | |||
| Evla | - | |||
| ||||
| Vergumvelt | Micaleem is frunkueem | |||
| Kalkotavasik | Bruno Cordelier | |||
| Piskura | - | |||
| Evla | 2006 | |||
| ||||
| Webesik | Bcordelier | |||
| Krentduga |  Gotuenan
| |||
Okon xanta ke meldap wal ebeltamicaleem is kerafrunkueem.
Legaf gu antiafa blira, Tere konviele gorayar da lanir ta va dositikya aneyar. Ko patcta ke Bakuya Aurgol laniyir lize va puves kurenik ve kakeveyer. Ikagadikeem ta kurera va kolnara va torif kiray anton puon kredayar. Tere va bapla gabeyer aze awalton asturodaweyer. Arti barka, viele vaon djutreduyur, kerafrunkupu ben ronenuba va in ve bugdayar. Fortey weplateyer aze va wilteem ke maltalas bord ve emoyayar. Va forteykrets moe wilteem ke bord wison, sveri se toz ieyed. Batcoba va batakaf jidol ve elogayar. Bat tuoviskawes toz vulteyer nume va govitaf iltap otceson ve aslubeyer. Ilt ve lubeyer mo ge ke fuzol dan va imboza otceson nugapeyer. Imboza va tey silukon ve asbimileyer nume molda, xo ke ebeltamicaleem, zo kalanteyayar. Mical yo den imboza laniyid ta da gruped tokdume in va sinafa molda al firdeyer. Imboza va fuzol buntuyur aze bat va ebeltaf jidol silukon koridayar. Jidol icde govitaf iltap nokieyen bak otcera golde gronaf iereem ke konaki tuoviskayani sveri se kaliyir. Bati se ruyeyed da gan bord dem keraf gu fortey wilteem al zo kovudayad. Bord ve bazeyer da Tere golde fortey va inaf wilteem al emoyayar. Tere bam divrozayar da treduson va rodabapla gan kerafrunku al zo bugdayar. Batdume den kerafrunkueem ebeltamical yo bam laniyid aze meldayad ise va jontik awalkopeyed nume ko intafa oga va awalkoda se malbureyed. Ve vogayad da ta gomiljaxadara vaon daletoe kotviele kevalieted.
