Maneki Neko

Maneki Neko, vunda va Goutokuji dopewa

Niponafa vunda

Bata rupa runi Edougal bak 17-eafa decemda tozuwer. Batugale koe Setagaya bam tisa taltexo ke Tokyo, seitapafa grostanafa dopewa tiyir. Gertik ke bata dopewa va karvol yoltkiraf gu Tama digiyir, ise jontikviele pu bat karvol va sinafa debala temeyer : - Tama, nekev wawuca do jin va rin sú, kas rinon rotaskitina koncoba mu bata dopewa tir ? Konviele, Naotaka, jiomaik va Hikone utca, dimlakison va tcabanhera gan muvapara ve zo akoyeyer. Ve gorayar da lev aalap lente dopewa gelber. Naotaka va karvol bam ve katcalayar. Inafa wanca isu zatca nuvelayad da ganer ta da in va dopewa kolanir. Jekuna gan karvoldunol, Naotaka va xuyavafa brava ve divlaniyir, ise ve askinhiyir : moipon aal ve zo glebayar. Bli ke Naotaka gan bat karvol tis Tama su zo giwayar. Yoke bata regala, Naotaka vanpiyir yastik va dopewa is inaf gertik. Grostanafa dopewa vanpiyir tela ke Ii yasa nume yolt ve zo betayar vanpison Goutokuji dopewa. Daletoe levgina gan Ii staba dopewa vanpiyir trigafa. Batinde Tama karvol va bli ke Naotaka jiomaik is wawafa dopewa belcon al giwayar. Moi awalkera Tama koe awalkikxo ke Goutokuji dem karvol yo poranhason ve zo kotawayar, aze bata rupa va Maneki Neko.

Xanto   Vergumvelt 招き猫, Maneki Neko Sutesik - Piskura - Ava Niponava Evla -   Kalkotavara   Vergumvelt Maneki Neko, vunda va Goutokuji dopewa Kalkotavasik Laurent Lermigny Piskura - Evla 2007   Krentduga   Webesik Kotavafamik Krentduga Gotuenan