LaFontaine Kudeem Idatcol is Namuloloc
| ||||
|---|---|---|---|---|
| Vergumvelt | Le Loup et l’Agneau | |||
| Kudak | Contes et nouvelles en vers | |||
| Sutesik | Jean de La Fontaine | |||
| Piskura | - | |||
| Ava | Francava | |||
| Evla | 1665 | |||
| ||||
| Vergumvelt | Idatcol is Namuloloc | |||
| Kalkotavasik | Elisabeth Rovall | |||
| Piskura | Kotava.org | |||
| Evla | 2005 | |||
| Klita | Kalkotavaks | |||
| ||||
| Webesik | Seramikya | |||
| Krentduga |  Gotuenan
| |||
Idatcol is Namuloloc[modifier]
Ovak ke lopoik kotviele tir lokiewaf :
Jin radimeon fu nedí.
Namuloloc va int bassiputar
Koe karalavakirafa voa.
Stuvus getines idatcol artlanir,
Ko bato xo aelvanimpan.
-Tokcoba va rin tulaopar da va jinafa ulira tuskaltal ?
Bat zidepes sulem kalir :
Golde rulokuca zo tigatal.
- Jiomik, Namuloloc dulzer, Ilamkik
Me toz zidel ;
Volse torigil
Da va int bassiputá
Koe voa,
Kaike tol-sanoy bor tite Rin,
Acum, meinde,
Va rinafa ulira me rotuskaltá.
- Rin tuskaltal, bat udutaf sulem tolkalir,
Ise grupé da va jin abditandon al rotakalil.
- Tokinde co-askiyí oye da men al nasbalatá ?
Namuloloc dulzer, va gadikya ware mouvá.
- Ede me rin, kle rinaf berik.
- Me dí. - Kle tan rinik :
Kire va jin win vol kaydec,
Win ik intaf susik se iku vakol se.
Pu jin coba al zo kalir : va int gojavé.
Azon, art aalxo
Idatcol va in divburer aze estur,
Mea loon keyakseson.
 ← Widavatovol is Tayatovol - Idatcol is Namuloloc - Persaal is Edgarda → |
