Jack Kerouac

Jack Kerouac

1922-1969 Amerikaf suterotik

Jack Kerouac (ika ageltaf yolt Jean-Louis Kerouac) va kolamanafa francavacanadafa yasa pasuyur. Radimi jonvielemera koe Columbia kotla lize va nugaviputi ektudar, va konaka exava funter : birelik az divmonasik az nubakobasik akz-. Mali yuca div kota gimbafa anameda va int rundar ise dakter da tir mivraves. Zobenon gan Allen Ginsberg nik isu William Burrough, bak 1950 va The Town & The City taneaf berpot sanegar. Konaka tanda di dilized abdi da in tolon zo sanegar. Va patecta kotnion koolapir ise va yona lonuyafa suterinda labagalar. Va mivokafa veda ke yona twa ke Neal Cassady nik batinde malgruper. Turkon tir koe San Francisco da aname Beat Generation batinde yoltayan gan Jack mafelasacama toz reduwer. On the road berpot bak 1957 adim zo sanegar nume Jack vanpir "beat" brija ke saneg. Vexe lente mana saneaca kategijir. Ostik, Kerouac turestan gan gadikya va viderevanyafa gaderopafa trakula dir. Va "hippie" vodeem ke 1960 sanda divtirkar. Rilizan gan ruyat is benzedrina awalker 47-daf me rotukramayason va klokera : va kagluyara va intaf grabomeem, dum Balzac ok Proust, kan Vunda ke Duluoz oxif vergumvelt.

Jack Kerouac  Blira 1922-1969  Ava Englava  Suterind Berpot   Suterot The Town & The City (1950) – Widava is wid On the Road (1957) – Moo vawa The Dharma Bums (1958) – Dharma wipitesikeem The Subterraneans (1958) – Levetawaceem Mexico City Blues (1959) Maggie Cassidy (1959) Dr. Sax (1959) Tristessa (1960) Lonesome Traveller (1960) – Antiaf keldusik Scripture of the Golden Eternity (1960) Book of Dreams (1961) – Klokaraneva Pull my Daisey (1961) Big Sur (1962) Visions of Gerard (1963) Desolation Angels (1965) – Erolas gelikeem Satori in Paris (1966) – Satori koe Paris Vanity of Duluoz (1968) – Greciuca ke Duluoz

wp-de:Jack_Kerouac wp-en:Jack_Kerouac wp-es:Jack_Kerouac wp-eo:Jack_Kerouac wp-fr:Jack_Kerouac wp-it:Jack_Kerouac wp-nl:Jack_Kerouac wp-pt:Jack_Kerouac wp-ru:Керуак,_Джек wp-tr:Jack_Kerouac