LaFontaine Kudeem Krapol is Idatcol is Bresitol
| ||||
|---|---|---|---|---|
| Vergumvelt | Le Lion, le Loup, et le Renard | |||
| Kudak | Contes et nouvelles en vers | |||
| Sutesik | Jean de La Fontaine | |||
| Piskura | - | |||
| Ava | Francava | |||
| Evla | 1665 | |||
| ||||
| Vergumvelt | Krapol is Idatcol is Bresitol | |||
| Kalkotavasik | Elisabeth Rovall | |||
| Piskura | Kotava.org | |||
| Evla | 2005 | |||
| Klita | Kalkotavaks | |||
| ||||
| Webesik | Seramikya | |||
| Krentduga |  Gotuenan
| |||
Krapol is Idatcol is Bresitol[modifier]
Axaf is rispakolaf is blitenaf Krapol,
Kuraniyir da va guazucawayot zo kosmar :
Ede pu Gazik volrotise zo abduplekur, tir rofavera.
Vanmiae kot apt
Va akolopik se battel foxier ; Tid ke kota yanba :
Kotlizu van Krapol selaropik se pid ;
Kotlizu fomekzilisik yo pid.
Va worara se,
Pu int Bresitol solnover ise zavzar ilef is stivas.
Idatcol nesar ise viele Gazik senhar
Va intaf gracaf gositik nuler ; Sersik
Djumer da Bresitol deneon zo kovikizar,
Aze da in pir. Bantel pir aze zo atoer ;
Porfeon, grupeson da Idatcol baton askiyir :
- Kivá, Jiomik, kalir, da purajaf munsteks
Pu jin roklason al dirbur
Da va bati brudi al co-arevlá :
Vexe tiyí befoltaf ;
Ise va fuxa ta rinafa galuca vanbuluyú.
Ostik bak koyara al wí
Va bagalakirik yo is grupeik se ; pu sin al kalí
Va prelkasuca ke dana va porfeuca Jiomik kivanhal.
Va iduluca anton rin gracil :
Koe rin klaapa vaon al vilar :
Va ware idulafa is vikizasa alma
Ke basalmayan idatcol moplekul ;
Lanon tir birganha
Tori konjotesa tuwava.
Pu rin Idatcol Weltik zanudatar
Va maxagem ede djumel.
Va bat boy Gazik grivuter :
Idatcol Weltik zo basalmar ise zo ilboder
Ise zo basbewar. Jiomik demon ve sielestur
aze kan alma va int anamplekur ;
Aboyik Weltik se, xaac da va sint vilac :
Va int dasason nesac ede rotir.
Rotuca fuxe kiewuca jonbalemon zo dimstakser.
Nulesik se aron zo esteted :
Koe klepa lize ixena mecoba
Win tic.
 ← Libakol is Imboza - Krapol is Idatcol is Bresitol - Cabiala is Mical → |
