Kere is Ebelte
 Bat teliz tir kotavaf suterotvildeks vols kalkotavaks. |
|
Moron xantakiraf, Julien Sorel wetce tavesik den Rênal W-ya zo seger. Va battel patavason brostar. Kivason va bilitara, ko Paris mallapir. Va Mathilde, va nazbeikya ke intaf nendasik, batlize renalevrotir, aze va eresklafa kagrupera pokoleyena gan intafa bitonuca seotar. Rênal W-ya wetce skujesik va in ranker : yatkaf Julien Sorel va in westar. Koe flint abdi vrivara va koefi dili anton grivuteter. Ta sutera va bata ugalda va 1830 malgrupeson va mi, Stendhal va lingera va selt bak « Dimplekurugal » (winkaf oluikeem is yona ujafa anameda is yon parisaf rijay) ponar, va selt vimtas va yona fa lize rietaveem ke artowarafa is napoleonafa rekola mea dilizer. |
