BM Tel Rotik dank 01

Dɔnkili fɔlɔ

<poem> Mɔkɔ juku ! Jenni ye mɔkɔ juku lɔn ba ? Mɔkɔ juku ! Jaka mɔkɔ juku tɛ lɔn ! I mana fudu duman tiɲɛlen ye, Mɔkɔ juku nɔ do. I mana kanu duman salen ye, Mɔkɔgu le nɔ a di. I bira ka sinji bodonkolilen sɔrɔ, Awa ! Mɔkɔ juku le nɔ. Teria duman mana dɔtiɲɛ, He ! Mɔkɔ juku y’a di. De duman sara, Mɔkɔ juku y’a di. Dee-ni-faya sara, Mɔkɔ juku tɛ wa ? Den-ni-baya sara, Mɔkɔ juku le nɔ. Fere satɔ Mɔkɔ juku y’a dɔ. Fadenya sara, Mɔkɔ juku y’a di. Badenya sara, Mɔkɔ juku y’a di. Ta tukunda merifamuku la, Gwalo bɔra, Kulekan jɔkɔlen bɛ, Safe bolen. K’â y’i wɔyɔ, makari banda ! Baï bɛɛ ŋuntan ! Woyikonba ! n sɔrɔ ! Kunba tɛgɛra ka bɔ kanba da la Cɛrɔgɛrɛnni koɲuman kɛ tɛ Karafe donda. Karafe bɔnda. Dɔ kɛ jɔn ye, dɔ k’i firinfirin. Su tɛ kesi, a t’i kɔ fɛnɛ na. Jɔn kan’a jik’a jɔnɲɔkɔn na ban ! Jɔn tɛ jɔr’a jɔnɲɔkɔn na dɛ ! Fritifrata ! ko ɲabɔbeli ! Cɛ ye cɛ bolo, makari banda. Benbeliso beli bonya, Lon kelen tomu ! Jiri kelen beli bony’a tɛ tuba bɔ. K’an kɛ wɔyɔ, k’an kɛ sundu Milinsinmalansan ! Feritalen tora ! Sa bɛ mɔkɔ domu. A t’i tɔkɔ domu na. Cɛ ye kesi, ɲaji tɛ bɔ la. An bɛ sumu, sumu tɛ lakira. Sa tɛ mɔkɔ to, k’i y’i diya, sa tɛ mɔkɔ to k’i y’i goya. Sa tɛ jɔn to. A tɛ hɔrɔn to dɛ ! Kɛba cɛɲi bɛɛ warila, Mosoba bɛɛ wara min ? An kɛ solon, Solon tɛ lakira. Jenni ye bilisi lawili kokura ? Aï ɲan tɛ Mɔkɔ juku lɔlen na ba ? Mɔkɔ juku ! Jenni ye Mɔkɔ juku lɔn yan ? Mɔkɔ juku ! Njaka ! Mɔkɔ juku tɛ lɔn na ! </poem>