Un article de Wikikrenteem.
Awalkikxo dem fuzol yo
Afrikaf reiz
|
|
| Vergumvelt
|
Le cimetière des éléphants
|
| Sutesik
|
-
|
| Piskura
|
-
|
| Ava
|
Francava
|
| Evla
|
-
|
|
|
| Vergumvelt
|
Awalkikxo dem fuzol yo
|
| Kalkotavasik
|
Bruno Cordelier
|
| Piskura
|
-
|
| Evla
|
2006
|
|
|
| Webesik
|
Bcordelier
|
| Krentduga
|
 Gotuenan
|
Lekeon, fuzol sane poke Sankuru kuksa bliyir. Inaf gazik tiyir gijarotifo is proyafo Khoro. Konviele, sverimi mo talgava ke Khoro ve aykawer ise tison kovudapayani negayar : « Kax, gijarotifo Khoro ! Eaftafa ! Tari dem tolinhakiraf ebeltaf tisik se ko minafo vo su artlanir. Sin va atasa plekinda se digid. Kotliz galbuwed ise va kotcoba remlanison torsad. » Khoro ve levkipeyer : « Va bat tisik se grupé. Tid ayik yo. Tid omaf is ponsaf. Sinafo ervo se va vafa fuzolafa alma me gruremrur. » Neke, moion, Khoro ten levkipeyer. Ebeltik se tiyid ontinansaf is ponsaf vox jontik. Bekaon, sinafo ervo se va vafa fuzolafa alma me gruremruyur. Soe, kabunhuna tceka va fuzol grupatayar ede va ita volkeluyur. Ayikeem ta tutayara va aalxo anteyayar. Ostik rodacapa va gola duxayar. Fuzoleem arton ve tiyir. Jontik aelawalkeyed ise kan ervo se ke ebeltaf ayik zo atayad. Bam gijarotif gazik ke fuzoleem va intaf bowenikeem ve kabelcayar aze kaliyir : « Bat taway gan lorikeem mea zo kumzilir. Aelakola is ebeltaf ayikeem askid da min mejet. Batlizu gomallanit. Van titawalt lanitit. Minafa kelda titir rontafa inde minafa blira kalion tiyir. Va kotcoba titisa reme kelda moolanitit : va weda ik ebeltaf ayik. Saneme rotir tit voxe minaf kottel tir lopof dam decemoy jidol. Va minaf enid zometet. Neke bata gola kotugale tir minafo vo. Batdume kotilanon konaktankon dimlanitit, bal taneaf aksat kaiki muvugal. Batinde, minaf nasbeikeem vaon grupeter, se guazik is akolik koeon tenon roblitid. » Baton gijarotifo Khoro ve pulviyir nume coba tiyir dum in al pulviyir. Remlanira ke fuzoleem va foyda vektayar : aal yo zo divzaetawayad, taya se zo nugapeyed, wida yo zo vilayad. Jontik ayik ve xonukayad. Po ke fuzol tiyir kovudaso. Batcoba lekeon lekepon sokiyir, vexe kotilanon, fuzol se trenad da moo milafa kelda lanid ta da pu fuzoloc va intafa savsafa guga rowid ise da guazik koeon rotawalker. Malion, mea tir awalkoda ke fuzol koe aalxo kire ken Sankuru kuksa ta awalkera in lanir. Batlize tir sinafo awalkikxo beka metan va xonho gruper.
Gotuenan
