André

Bat teliz tir kotavaf suterotvildeks vols kalkotavaks. Ta pomara icde bata telizinda, va Suterotvildeks teliz disukel.

André

Rupa Morand tidbiptik va zivolaf tegiraceem ke intafa pula jovler nume va intaf tawayeem di ektudar. Va gaaranya mu André nazbeikye voxe battel tir rabetaf is intaf katectaf slastenik. André pester jekune gan yikya kozwiyina bak gozara. Morand tidbiptik va nazbeik plataer enide in do Joseph jotaf vegungik albanyas va dodelikya trubar. Djupokatrasison va yikya André naler. Va in rungruper, Genevière tir jotaf yambudik redus va tcafa imwa. In va in palsenon worar inde va zidera ke gadikye me lureskar. Jotaf imwiasik gorar da va widava bulur lize metan va kobara ware djuzilir, vexe Joseph va André lajubuiver ta da in va gadik lureskar ise va Geneviève dimvanstar. In genazbalar. Joseph va Morand tidbiptik lajubuiver ta da in va jotaf kurenikeem koemuder. Vexe blira koe lamone, wal fikaf ikagadik is nyukaf kurenik, tir kusto tori Geneviève. Inaf nazbeik awalker aze in mulufter.

Xanto   Vergumvelt André Sutesik George Sand Ava Francava Evla 1835

George Sand : Francaf suterotik (Amantine Aurore Lucile Dupin, 1804-1876)