BM Tel Rotik dank 05

Dɔnkili lolunan

<poem> Mɔkɔ juku ! Jenni ye mɔkɔ juku lɔn ba ? Mɔkɔ juku ! Njaka ! Mɔkɔ juku tɛ lɔn na : Mɔkɔ juku bɛ ko latɛgɛ K’a sen ko K’a bolo ko K’i b’a rɔ pewu ! ‘He, he Jara ko ten Jaturufin ma Dɔlɔ tɛgɛ, an k’an min k’an fa. An fɛn juku dama don !’ Suluku dɛ koro ta K’o fa k’o l’i kan, K’a fa k’o di nkɛɛrɛ ma K’a fa k’o l’i kun K’a fa k’o di nkɛɛrɛ ma ‘ I ma bonya ni di.’ Bolokalan ko : ‘Aï ya dɔlɔ tɛkɛ ni kiya di ? A fɔ : nkɛɛrɛnin kɛ fisa an tɔï di ? Minni kolandiya ni di tan ?’ Nkɛɛrɛnin ko : Hn ! Bolokalan, I ye n dɔkɔya ! N d’a fɔ dɛ ...’ Nkɛɛrɛnin fununda, K’i furuku A diminda ! Ah ! Fɛnnincinin kanbafɔ ! Nkɛrɛ m’a fa y’a m’a ba ye, A dun b’a fa kan fɔ K’a ba kan fɔ Tele rɔ dugutunu Su rɔ wɔyɔ ko ! A bera duku sen na, K’a b’i tunu duku jukɔrɔ Ko dɔkɔya maloya tɛ kun Ale ma banko kan. A b’a yɛrɛ latunu dɛ, A ye fukuri tan tan A ya damansensoli fila bɛɛ la, K’a seri kɔ fɛ : toï toï O buguri dɔ kɛra namakɔrɔ ɲa rɔ. Nama ko : ‘Eh ! Eh n tana bada tiɲɛ !’ Nama d’i gwan prɔɔ K’a b’i drɛ nkɛɛrɛ kan, Nkɛɛrɛ d’i seri, K’i nɔrɔ warakalan na. Jaturufin, cu-cu nama, Cɛ jitɔ, cɛ kesɛ Suluku man’a bil’a la Dukutaka fɛ Dɔï ko : « cɛbakɔrɔ kan ye !’ Dɔï ko : ‘bamoso kan ye !’ Mɔkɔ si ma i bolo don a jukɔrɔ K’a cɛya n’a musoya lɔn ! Nama y’i drɛ Nkɛɛrɛ kan K’o dɔfɛdenkɛ Bolokalan ya feni ɲekin kan K’o ji k’o la. Warakalan ko ! Ɲaari ! N tana tiɲara ! Cɛ ɲakuna diminda, Kungwɛrɛn li fununda, Ɲagwɛrɛn ci furukuda, A d’i gwan ka Jatru mina K’o kɔnɔ far’a sɔrin na fwan ! Nama wad’i la A banni kɛl’o la Ɲɔri d’i ɲɛ muru Jara la, K’i ɲa wus’o rɔ, k’i kan to : ‘Kɔrɔ Jara, E kɛ ni ɲadonna dɔgwɛ beni !’ Jara ko : ‘hn ! I mana n tana tiɲɛ ! n n’a fɔ ko n tana Ɲawolo n dɔ ye de ?’ Jaraba furukuda, Koloba kɛri Jara, Wula dɔ cɛferin, Sudan ko kelen So kɔnɔ cɛferin Cɛkuru de jɛnsɛn mansa Kɔba la korondo, Ni ba la korondo Jeli kɛndɛ min faama, Kunnɛ rɔ forontobaga, Ka nogokɛndɛ kɛ Jalamuku ye Jaraden sal’a tɛ binkɛndɛ dun na. Sotiki, kungotiki Brrru ! u vruu vruu ! Fɔlɔkɔ d’i koro iko ntɛbɛnjaran Jara d’o kan kɛri warawu ! K’o jeli kalanman min. Tutu ni Jara Bira dɔlɔmin na ko kura. Donsokɛ nara A dɛ Mɔkɔ juku fo : N teri Mɔkɔ juku, i sɔkɔma ! Nba, i sɔkɔma, karamɔkɔ. E ma na joona dɛ ! Dɔlɔnin tɛrɛ na ban e kɔ sa dɛ ! Don so kɔnɔ, u y’a kan.’ Donsokɛ donda, K’i siki da kɛrɛ fɛ. Kɔrɔ Jara k’a ma : ‘Karamɔkɔ, i tana mini di ?’ Donsokɛ ko : ‘Ne tana o tana tɛ Fɔ dɔgwɛdenni.’ Jara ko : ‘Wa ! dɔlɔ tɛk’an k’a min.’ Donsokɛ dɛ koro fa Dɔlɔ rɔ k’o min, K’a tɛkɛ k’a di Jara ma, K’a tunu k’a di Dankalan ma, Ka kuru k’a fa K’o l’i kun. A ko : ‘Ah sia ! Mɔkɔjuku ya dɔlɔnin kɛ di !’ A y’a fa k’o min, K’i ɲa wolowolo Jara dɔ. Jara ko : ‘Nhun ! I ye n tana tiɲɛ !’ O d’i pan k’i sonsoro Bondakun da kan, Ka korondo Ka songo Ka korondo Ka wurundu. Donsokɛ ko : ‘Karamɔkɔ, hakɛ to : N tun t’i tana lɔn, An kana kɛlɛ han ! N b’i solon.’ Jara m’o mɛn. Minnɔgɔ rɔmina, Ni kɔngɔ rɔmina, Tankun bili kɛlɛbaga Sikidan tora kungo ; Sensen kuru kɛlɛbaga, Sɔn kuru kɛlɛbaga, Kɛsɛ fentren fili, Jara m’a mɛn ! Solon ma mɛn ! So kɔnɔla dɔ yen, Yiri fan kelen sa dɔ lɔlen, O lɔlen k’i den dɛnɛ la Njaka ! Njaka ! Njaka ! Jara tɛ sabari la ! A fora k’a la donsoba kan, K’i kɔ kuru Ka fo a kan, k’a la a kan, K’i mabɔ, K’i da biri duku la Ka korondo. Sanene gwɛrɛnd’a dɔsilanda ! Cɛ dɔgwɛnni koɲuman kɛ tɛ Cɛba dɔsilanni bɔdaɲuman tɛ ! Kɔntrɔn d’a bolo lase Mosoba juba ma. Jara k’i solon to Kɔntrɔn tɛ kɛ. Cɛba dɔgwɛdenni Dabari kɛ juku ! Kala lɔ ko saba, Jara tɛ to. Donsokɛ d’i toɲo K’a lad’a ma. Kidun ! ... Kɛsɛ d’a rɔsan. K’a t’a kun na Kur’a b’a kɔkɔ rɔ/ Jara y’i yɛlɛma fulaï. Kɔntɔrɔn d’i kɔlɔbɔkalaba K’a b’a tɔ lase. Muru ye minni ? Takaran, i bɛ min ? Njaka ! Tutu lalen K’i rɔsama fɔlɔlɔlɔ Donsokɛ nar’i sen l’o ku kan Ah ! Gwalo ! Ko min fila tɛ k’o ye ! Dankaran d’a k’a kan puyin ! (kɛ) Donsokɛ dɛ muru bɔ K’o laji fraaa ! K’a t’a ku ma f’a kun na gwɛ ! Donsokɛ d’i l’u da fɛ K’i rɔsama. Dɔlɔfɛrin ni sabaga tɛ kun na. Olu saba nikun bɔda ɲɔkɔn fɛ. Donsokɛ sara, Kônba war’i la. Tutu sara, Dankaran lara, Jara bera, Kunba cira, Fɔlɔkɔ sara, Warakalan war’i la. Namakɔrɔ beda, (bira) Jaturu wada, Nkɛɛrɛnin banda. Wulu bɔnɔra. Kolonkɛdi ɲiminda Sisɛ sara. Njɛbɛrɛnin war’i la. Mɔkɔ juku ya dɔlɔ ma ban min na ! Segi kelen dɔlɔ, ma ban min na ! Ba kelen dɔlɔ Dɔlɔ ma ban ! K’an kɛ sumu ! Sumu tɛ lakira. Lakira dingɛ, Dingɛ ma fa. Mɔkɔ juku ! Ah ! N ko : mɔkɔ juku tɛ sɔn ! Mɔkɔ juku ! Njaka ! Mɔkɔ juku tɛ kɛ ! Mɔkɔ juku ! Njaka mɔkɔ juku tɛ lɔn na ! Mɔkɔ juku ! Aï ma mɔkɔ juku ye ba ? Mɔkɔ juku Awa ! mɔkɔ juku tɛ lɔn ! </poem>