Astopol is Razama is Idatcol
Lekepon konviele tiyid Astopol is Razama is Idatcol, belcon blis wetce berik.
— Tir xo lize kot min va rotestuna jontikcoba trasitit. Vexe bagalakirapaf tcabanyesik dem tra is ikse batlize blir. Ikse co-tid wupe tove min.
Bam kaliyir : — Van bato cuisafo xo lanit nume batlize blitit. Oke kas gan bat tcabanyesik zo kovudac ?
Vexe konviele, Astopol ko ikse zo ebiduyur. Grupeson va batcoba, Idatcol vere ampuyur ta trasira va ebiduyun sulem abdi Razama. Viele adim artlaniyir, Idatcol pu Astopol eruyur : — Tokinde batcoba al sokir ? — Tokinde al zo iksé ? Me grupé, arse. Opelon laniyí viele laizon koon al lubé, ~ Astopol dulzeyer. Tokkane va int rotunuyá ? Idatcol kaliyir : — Grablel, grablel ! Va int miv grutunuyatal ! Aze mallaniyir, guantason va Astopol. Trakuyur da kemeson lokiewon co-askiyir aze va in di co-estuyur, nume kadim amna va int preyutayar.
— Tokdume batinde grablel ? — Tokdume ? Ko tane tcabanyese ikse al zo ebidú aze Idatcol batliz al lanir ise al kalir : « Grablel nume va int miv grutunuyatal. » Batdume grablé. Vexe dure nimatroté ise cué, ~ Astopol kaliyir.
— Ten grablel ! Va nimateem volins fu empal nume kaliapon awalketel. Vol zekal ! Bevulal awalkaf ! Viele tcabanyesik folitir da ixam al awalkel, va rin tunuyatar. Ise viele askitir, bam gonotcetel.
— Ox, sulem ko ikse ape al zo ebidur. Nume va tra is tcekak nariyir aze ta kodisukera laniyir.
— Argesa, Razama al pir ise va Astopol al itafenkusir. Fu upenyayar aze van Astopol wan iksen dimpiyir viele va vanlanis tcabanyesik ve wiyir. « Dure bartiv ta tukotrara va jivot », Idatcol pu int kaliyir aze kadime amna wan kurdayar.
|