TY Vunda va goma
Te ‘a’ai o te he[modifier]
I te hoē mahana, te faaea ra te hoē tane e te hoē vahine i Faaone. Tiahi hia iho ra raua e te raatira o taua mata’einaa ra. Aita raua i ‘ite e haere i hea, tapuni iho ra i roto i te hoē ana o tei piihia Tu’itu’ipuapua i Hitiaa. Ua to te vahine. I to na fanauraa e he te pepe.
Mana’o iho ra te mau metua e faa’amu noa, no te mea te rahi noa ra taua he ra, ri’ari’a iho ra te mau metua, e faaru’e iho ra te faaearaa. Ta’i iho ra te he, e tamata iho ra i te heru i te hoē apoo.
Tau matahiti i muri iho, rahi atu ra teie manumanu. I te hoē mahana, ua atea ‘oia i to na apoo faaearaa, no te pa’imi i te maa. Tapae roa o na i Maha’ena e ‘ite iho ra i te hoe vahine o te horue ra. O Hina te i’oa e ua momo’ahia teie i te hoē ‘aito.
Faahinaaro iho ra teie he i taua potii ra. Ua haru o ia ia na. Ua pa’imi te ‘aito i ta na vahine momo’a. Itehia iho ra e taputo atu ra te ‘aito e te he. Aita te ‘aito i manuia. Haere o na e farerei i te hoē tahu’a o tei parau ia na e tapupu i te he e hitu tuhaa e ti’a ai, e i te po ‘atiraa āva’e te reira e tano ai.
Manuia iho ra te ‘aito, e ho’i iho ra i to na nohoraa e ta na vahine momo’a.
