Baroy lofrik
Un article de Wikikrenteem.
Artagnan gascognik va Athos is Porthos is Aramis stier. Lion dam sintafa nuca, saguca va gazikeba platir da « baroy » lofrik va levtiura se ke Richelieu tsuned : inafa Milady toidesikya askir da Lord Buckingham zo adjuber. Pu battel va duzflek Anne d’Autriche volproyon al bulkayar. Louis XIII diner da bak moniyafa sirta inya va flek bureter. Vexe tuke intafa stiruca isu deksuca, yik yo va awalkafe ikse yo ke intaf volnik edobeted. Se izvafa taca is kontega is grabloka askid da bat grabom tir teza va dugugalaf berpot.
