Difference between revisions of "Sersikam Luz11"

Un article de Wikikrenteem.
Jump to: navigation, search
(Tazukara)
Ligne 3: Ligne 3:
  
  
{|width="100%"
+
{{Teliz_toza}}
|-
+
|rowspan="4" style="background:#FFFFF5; border:1px solid #F0F2CE; vertical-align:top; padding-left:1em; padding-right:1em; text-align:justify; width:72%;"|
+
  
 
==San-taneaf luz==
 
==San-taneaf luz==

Version du 00:44, 7 santaneaksat 2007

Sersikam


San-taneaf luz

Moe tela toleafa winta greciik sokeyer :

- Ax ! Ax ! Batse worara ke mafelasik ! kozwison va sersikam greciik iluon ve divieyer.

Kire, sedme greciik, ar ayik tir mafelasik.

- Kiavá, sersikam ve kaliyir. Rin va atedafi edji digil.

- Tir ta kiavara, greciik ve dulzeyer. Tir ta kiavara viele zo vankievé. Volfikunton, metan batlizo konviele koolanir.

- Ax en ? megrupeson sersikam ve kaliyir.

- Tanaron nubadendal, greciik kle ve pirdayar.

Sersikam tanaron ve nubadendayar. Greciik edjimadason moron ve kiavayar.

- Batcoba tir lodeasesa dam worara va gazik, sersikam koeon ve trakuyur. Aze tanaron tolnubadendayar. Greciik edjimadason ve tolkiavayar.

Arti aluboya funtesa wexa sersikam golde tankomuca ke vefara cueyer :

- Voxe, ta da edji luber, in ve eruyur, va tokcoba gonaskí ?

Vexe greciik me ve gildeyer. Bet greciik va siskera anton grugilder.

- Kas va jin en mafelapal ? in pu sersikam ve eruyur.

- Toka tir sugdala ke « mafelá » trogarn ?

- Mafelara sugdalar da wetce tel lolistik isu lokiewon vagekirik is tel lokulik ke winta isu logruik jin zo krupté.

- Vexe moe winta rin til antaf !

- Va jin tupuveal. Vaon soe mafelal !

- Va rin mafelá, sersikam tidepitamason ve kaliyir, vexe koe tokcoba ganon zo dulapal ?

Aze sersikam ve mallaniyir.

Milgik en gitir abigaf, bal koyara sersikam va int opelon ve kaliyir.

  Xanto  
Vergumvelt Le Petit Prince
Sutesik Antoine de Saint-Exupéry
Piskura -
Ava Francava
Evla 1943
  Kalkotavara  
Vergumvelt Sersikam
Kalkotavasik Staren Fetcey
Piskura Kotava.org
Evla 2007
Klita Kalkotavaks
  Krentduga  
Webesik Sab
Krentduga 100%.jpg Tuenayan


Jonbukiraca.jpg
Sersikam
(Saint-Exupéry)
← 10-eaf luz - 11-eaf luz - 12-eaf luz →

Récupérée de « https://www.europalingua.eu/bad_wikikrenteem/index.php?title=Sersikam_Luz11&oldid=2675 »