KanakafaVunda Susik va awalkikxo

Susik va awalkikxo

IV : Susik va awalkikxo Guazafe Nehewoue, susik va awalkikxo, afizon is mielon batlize tir. Kota tidawaltara va kenibes is cuunaf gu mielkobara in trasir ise kota taelaftara va ranhes in wir. In va ogoles werd yestar ; va ogoles ta blira is ogoles ta awalkera. Guazafe Nehewoue va yozga tubliasa va guazik gruvider ise va takra ke poik grututenar dum gan nuga tilerda zo tenanteyar. Va susik ke awalkikxo ta rupera sumuon lanit ; do awalkik yo kenibes vanmiae gama se is awalkik yo kenibes koe sid in blir. Va tidas lor is titas lor, Nehewoue susik ke awalkikeem walterktar. Va tokcoba niska twawesa koe gameem ben sukara pu Ey Nehewoue rin al kalir ? Va lesko koe cot kogildel ? Va fliwaf kiiz malgildel ? Tokdume ey Nehewoue al vanpil gijarotif is eaftaf ? Batdume rin do awalk irubal ise awalk tir logijarotifa dam bli.

Xanto   Vergumvelt Le gardien du cimetière Vundak Légendes et chansons de gestes canaques Sutesik Louise Michel Piskura Les Petites Affiches de Nouvelle-Calédonie Ava Francava Evla 1875   Kalkotavara   Vergumvelt Yona kanakafa vunda isu blokak Susik va awalkikxo Kalkotavasik Bruno Cordelier Piskura Kotava.org Evla 2005 Klita Kalkotavaks   Krentduga   Webesik Bcordelier Krentduga Gotuenana

Kanakafa vunda (Louise Michel) ← III : Sukera se - IV : Susik va awalkikxo - V : Kou-indio (Uvenda) →