Tao Te Tcing luz 20

Neva va Joya is Ceakuca (Tao Te Tcing)

Xanto
Vergumvelt	道德經
Sutesik	Lao Zi
Piskura
Ava	Siniava
Evla	6-eafa voldecemda
Kalkotavara
Vergumvelt	Neva va Joya is Ceakuca (Tao Te Tcing)
Kalkotavasik	Angela Wagner
Piskura	-
Evla	2007-2008
Krentduga
Webesik	Angela
Krentduga	Tuenayana

Taneafa neva, 20^-eaf luz

<poem> Va vayara ebkal nume titil nigeriskaf ! Amidaca wal ‘wei’ is ‘o’ tir pinapafa ! Amidaca wal kiewuca is rotuca tir pinapafa ! Kottan va mokivara ke ayik gokivar. Ayik va volvura roer ise meviele tenur. Tariayik daavon zo ilamsisker dum tan votas va fraf estuks, dum tan va ontinaf rasek blinasbalarugalon al tidlanis. Antaf jin tí vumeltaf : Va nasbalasik men levkipes pu gadikya vektá. Tí gluyariskaf gu kotcoba, nuvelar da me grupé liz rolaní. Tariayik va slekaca digir ; antaf jin tí dum ayik drasuyus va kotcoba. Tí nilik, gruperiskaf. Tariayik tir afikirapaf ; antaf jin tí dum mielakkiraf. Tamavayik va afaluca gruter ; antaf jin va skaltafa is gojafa swava dí. Tí runta dum bira ; ezá inde me grupé liz azavzawé. Kot tariayik tir grupaskipis ; antaf jin tí akoydaf ; va opelik vektá. Antaf jin tí amidaf gu ar ayik kire va sinkasa gadikya gidé. </poem>

Neva va Joya is Ceakuca (Tao Te Tcing) Taneafa neva ← 19-eaf luz - 20-eaf luz - 21-eaf luz  →