https://www.europalingua.eu/bad_wikikrenteem/index.php?action=history&feed=atom&title=NyagaceemScapin_Nakileem03_Nakila02NyagaceemScapin Nakileem03 Nakila02 - Betarizvot2026-05-11T19:42:45ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=NyagaceemScapin_Nakileem03_Nakila02&diff=5111&oldid=prevVieux Daniel: Warzafa nakila ke kalkotavaks va Scapin2013-08-01T06:22:59Z<p>Warzafa nakila ke kalkotavaks va Scapin</p>
<p><b>Nouvelle page</b></p><div>{{TextQuality|100%}}<br />
<div style="margin-top:1.2em;font-size:140%;"> <center>'''Nyagaceem ke Scapin'''</center></div><br />
<br />
<br />
{{Teliz_toza}}<br />
<br />
==Bareaf nakileem, toleafa nakila==<br />
<br />
''Géronte'' : Ex Scapin ! Tokinde arienta ke nazbeikye tir ?<br />
<br />
''Scapin'' : Rinafe nazbeikye, weltik, koe musedaxo tigir ; vexe re arpumapal ise co-abdualbapá da koe rinafa vreda co-tigil.<br />
<br />
''Géronte'' : Tokdume ?<br />
<br />
''Scapin'' : Dure, atatanon kotlizu zo aneyal.<br />
<br />
''Géronte'' : Jin ?<br />
<br />
''Scapin'' : Gue.<br />
<br />
''Géronte'' : Voxe gan toktan ?<br />
<br />
''Scapin'' : Berikye ke bat korik abdikuren gan Octave. Folir da rinafa erava, ta ikarundara va rinafa nazbeikya gu inafa, tir lazavarsa ta waljoara va abdikurera ; ise, batdume, ine al gorapar da va intafa gripokolera mo jin di basvajar ise di va rinafi bli di deswar nume va poruca di jaxadar. Inaf nikeem, kot dugusik bro in, va rin kotliz aneyar ise abrer. Konaklize, va yon sayakik ke inafa rumala koerus va trasin korik is mokereles va kota nuda poke rinafa oga, dace al wí. Batinde, den rin me rolanil ike me rotaltlanil ike me roronlanil, edeme wal inaf meem lubetel.<br />
<br />
''Géronte'' : Va tokcoba askití, kimtaf Scapin ?<br />
<br />
''Scapin'' : Me grupé, weltik, ise batse divulafa arienta. Icde rin takanugon skotcá, ise … Kel ! ~ Rwoder aze va wenyaxe nujidartlanir kase kontan co-tigir.<br />
Géronte, ~ skotcason ~: Kle ?<br />
<br />
''Scapin'', ~ dimlanison ~: Me, me, me, loxe.<br />
<br />
''Géronte'' : Kas konkane co-rotrasil enide va jin di divpuidal ?<br />
<br />
''Scapin'' : Lankane guzekacká ; vexe di zo co-laxusagondé.<br />
<br />
''Géronte'' : Ex ! Scapin, til bitavaf zanisik ! Va jin me jovlel, vay !<br />
<br />
''Scapin'' : Djuprogaskí. Tí luridackaf gu rin nume va rin megreleson me isketé.<br />
<br />
''Géronte'' : Zo gabletel, arse ; ise va bate vage abdizilí viele al lamemeté.<br />
<br />
''Scapin'' : Kel ! Batse arienta evarton jinon trasiyina ta giwara va rin. Ko bat eyelt va int goplekul aze…<br />
<br />
''Géronte'', ~ fowis va kontan ~: Ax !<br />
<br />
''Scapin'' : Me, me, me, me, metan tigir. Va int koon goplekul, kalí, aze meinde gokalizil. Mo jinafe ge va rin vajatá, dum eruilt dem koncoba, aze batinde remo volnikeem kal rinafa mona bureté, aze banlize rotobledatat aze va erura va pomara kev tizuca rostaksetet.<br />
<br />
''Géronte'' : Reduks tir kiewaf.<br />
<br />
''Scapin'' : Tela lokiewafa ke tamava. Fu wil. ~ ezeon. ~ Va restera pu jin dodeté !<br />
<br />
''Géronte'' : Ex ?<br />
<br />
''Scapin'' : Kalí da rinaf volnik zo ortackatad. Va int arton plekul, aze moekote kalobral da va int me nedil ise me widlal, bettode betcoba co-sokitir.<br />
<br />
''Géronte'' : Iskel da askí. Grulinulatá…<br />
<br />
''Scapin'' : Va int palsel ! Batse dugkirik aneyas va rin.<br />
<br />
~ dertason va intafa puda. ~: Toginde ? Gas va vala ta adara va bade Géronde me dadidí ? Ise medan va zodegazon daveder lize ine digir ?<br />
<br />
~ pu Géronte ton gubefa puda ~: Me widlal !<br />
<br />
~ tolaskison kan dertan kom ~: gadedis, va ine drasidí gore izde dawava va int co-balzer !<br />
<br />
~ pu Géronte komackon ~: va int me nedil !<br />
<br />
~ kota gaskavafa ewa fogetid tela dertana, voxe arak ke in. ~: <br />
<br />
— Ox ! eyeltgirig !<br />
<br />
— Weltik ?<br />
<br />
— Va dalogab bu rin zilí nume gojengal lize Géronde digir.<br />
<br />
— Va Géronte jiomik aneyal ?<br />
<br />
— En, vodje ! Va ine aneyá.<br />
<br />
— Ise icde toka arienta, weltik ?<br />
<br />
— Ijde doga arienda ?<br />
<br />
— En.<br />
<br />
— Va ine beyazon djumadá.<br />
<br />
— Ox ! Weltik, man korobutik zo somepeyar, ise batinde me zo askipeter.<br />
<br />
— Dogdan, bad Géronde grejiig, bad dozegig, bad gejigaj ?<br />
<br />
— Weltik, Géronte jiomik me tir greciik mei tozekik mei gejikaj, ise, djay arinde gopulvil !<br />
<br />
— Maninde ! Doginde va jin diduon azgibel ?<br />
<br />
— Va kantan porik rojú inde gonaskí.<br />
<br />
— Kaz dil ge nigeem ge bade Géronde ?<br />
<br />
— Gue, weltik, dikí.<br />
<br />
— Ax ! Gadedis, dil ge inaf nigeem, ae. ~ in ben eyeld gonagviele beyar. ~ Naril ! Va badjoba bu rin ledam in zilí.<br />
<br />
— Ax, ax, ax ! Ax, weltik ! Ax, ax, weltik ! Aulon ! Ax, zijnon, ax, ax, ax !<br />
<br />
— Lanil, va badjoba male jin deal ! Adiuzaz.<br />
<br />
— Ax ! Oretlik tir gaskik ! Ax ! ~ temeson is kalizison va ge dumede al zo peyayar.<br />
<br />
''Géronte'', ~ diveyeltason va taka ~: Ax ! Scapin, tabí.<br />
<br />
''Scapin'' : Ax ! Weltik, tí arbepeyen, ise epiteem rotesirsir.<br />
<br />
''Géronte'' : Va tokcoba ? In va jinaf al peyar.<br />
<br />
''Scapin'' : Me, weltik, va jinafe ge peyayar.<br />
<br />
''Géronte'' : Va tokcoba sugdalal ? Va vordaveem al pestalé, arse, ise wan pestalé.<br />
<br />
''Scapin'' : Me, kalí, ant peyanaav va rinaf epiteem uzayar.<br />
<br />
''Géronte'' : Kle kaikon gobulul, enide di zo umbé…<br />
<br />
''Scapin'', ~ ko eyelt va inafa taka dimplekur ~: Obral ! Batse artan nutis diveik. <br />
<br />
~ Batlize betara va avinda is wenyura tir milafa gu tela icde gaskik.<br />
<br />
— Futce ! Jin vulté dum Euckadiik ice va bat Gérunte oretcik abdi ciel jin me trací ?<br />
<br />
— Va int palsepel !<br />
<br />
— Kalickil, rin, veltik ayik, vay, kas grupel lize bate Gérunte aneyan gan jin tigir ?<br />
<br />
— Me, weltik, me grupé lize Géronte tigir.<br />
<br />
— Runjon kalil, jin va in djumé satemé. Antun enide va ine kan san-tuluya peyara mu ge is baruya ok balemuya dugara rem act fariú.<br />
<br />
— Arse, weltik, me grupé lize ine tigir.<br />
<br />
— Va kuncuba kalizica kue bat eyelt fuví.<br />
<br />
— Ixedá, weltik.<br />
<br />
— Efe kuncuba kueun tigir.<br />
<br />
— Me arse, weltik.<br />
<br />
— Jin ku bat eyelt djumé dugá.<br />
<br />
— Ax ! Weltik, ebgackal !<br />
<br />
— Va cuba kue bat nedil !<br />
<br />
— Aulon, weltik.<br />
<br />
— Tukinde ? Avulon ?<br />
<br />
— Va coba jinon burena sil !<br />
<br />
— Vuxe jin, djumé ví, jin.<br />
<br />
— Me witil.<br />
<br />
— Axi, mana niustera !<br />
<br />
— Tid florma ke jin.<br />
<br />
— Nedil, kalí, rin !<br />
<br />
— Me askití.<br />
<br />
— Rin, me ackitil ?<br />
<br />
— Me.<br />
<br />
— Va epiteem ke rin fu peyá.<br />
<br />
— Va batcoba sí.<br />
<br />
— Axi ! Rin ferimul.<br />
<br />
— Ax, ax, ax ! Ax, weltik, ax, ax, ax, ax !<br />
<br />
— Divkiavá, batse taverama gulde jlukafa pulvira ke rin.<br />
<br />
— Ax ! Rotapsan pulvijisik ! Ax !<br />
<br />
''Géronte'', ~ va taka diveyeltar ~: Ax ! Tí arbepeyen.<br />
<br />
''Scapin'' : Ax ! Tí awalkaf.<br />
<br />
''Géronte'' : Tokdume, fotce sin va jinafe ge dendad ?<br />
<br />
''Scapin'', ~ dimplekuson va inafa taka ko eyelt ~: Obral ! Batse volant tevoy sayakik. ~ in va konak korik belcon dertar. ~ Tetce, va bate Géronte latrasit, kotliz aneyat ! Va bora me kimat ! Va varafa widava koovultet ! Va meko xo vulkut ! Kotliz kojoxat ! Toklizo lanitit ? Batlizo lanit ! Me, banlizo. Talton ! Ronon ! Me. Vol.<br />
<br />
— Va int palsepel !<br />
<br />
— Ax ! Palik, batse inaf zanisik. Benje, facilik, pu cin gokalil lize rinaf feliik tigir !<br />
<br />
— Ex ! Weltik, va jin me askipejec !<br />
<br />
— Benje, kalil lize in tigir. Pulvil ! Ampul ! Divzanit ! Keyupul ! Fure !<br />
<br />
— Ex ! Weltik, zijnon. ~ Géronte va taka diveyeltamar nume va nyagaca ke Scapin kozwir. ~ Ede me askil da va rinaf feliik fure rotrasiv, pune va rin fu peyapav. <br />
<br />
— Djupromejé lodame askí da va jinaf feliik kosmac.<br />
<br />
— Va rin fu sagondev.<br />
<br />
— Askic inde djumec !<br />
<br />
— Zo djudendal ?<br />
<br />
— Va jinaf feliik me relmeté !<br />
<br />
— Ax ! Djumuzeal ? Batse…<br />
<br />
— Ox ! ~ in fu dendar, bam Géronte va int diveyeltar, nume Scapin otcer.<br />
<br />
''Géronte'' : Ax, krizik ! Ax, relmesik ! Ax, gomiliik ! Maninde va jin adjubel.<br />
<br />
{{NyagaceemScapin_iyelt}}<br />
<br />
<br />
{{NyagaceemScapin_krent<br />
| nakileem_otuk = Bareaf<br />
| nakila_nakila = 2<sup>-eafa</sup><br />
| nakila_abduenakila = [[NyagaceemScapin_Nakileem03_Nakila01|1<sup>-eafa</sup> nakila]] <br />
| nakila_radimenakila = [[NyagaceemScapin_Nakileem03_Nakila03|3<sup>-eafa</sup> nakila]] <br />
}}<br />
<br />
{{NyagaceemScapin_lomeem}}<br />
<br />
[[fr:FR_NyagaceemScapin Nakileem03 Nakila02]]</div>Vieux Daniel