https://www.europalingua.eu/bad_wikikrenteem/index.php?action=history&feed=atom&title=NyagaceemScapin_Nakileem02_Nakila06NyagaceemScapin Nakileem02 Nakila06 - Betarizvot2026-05-12T08:27:06ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=NyagaceemScapin_Nakileem02_Nakila06&diff=5100&oldid=prevVieux Daniel: Warzafa nakila ke kalkotavaks va Scapin2013-07-31T07:58:53Z<p>Warzafa nakila ke kalkotavaks va Scapin</p>
<p><b>Nouvelle page</b></p><div>{{TextQuality|100%}}<br />
<div style="margin-top:1.2em;font-size:140%;"> <center>'''Nyagaceem ke Scapin'''</center></div><br />
<br />
<br />
{{Teliz_toza}}<br />
<br />
==Toleaf nakileem, teveafa nakila==<br />
<br />
''Silvestre'' : Scapin, askil da va bate Argante di wimí, va gadikye ke Octave !<br />
<br />
''Scapin'' : Tokdume, weltik ?<br />
<br />
''Silvestre'' : Su grupé da ine va jin djukojizar nume malyerot va abdikurera ke berya di co-joar.<br />
<br />
''Scapin'' : Me grupé kase ine va mana trakura dir ; vexe va rinaf tol-decemoy erbolkam me djuprofiner, kalison da slikcoba.<br />
<br />
''Silvestre'' : Kal awalk ! Rem taka ! Rem jivot ! Va ine gotrasí pune kojoatá, kore moe krafol blison di klibutú<br />
<br />
( Argante, enide me zo wir, kake Scapin skotcason palsenon zavzagir ).<br />
<br />
''Scapin'' : Weltik, bate gadikye ke Octave tir budafe, nume va rin rotir me kivatar.<br />
<br />
''Silvestre'' : Ine ? Ine ? Ko fortey ! Rem taka ! Ede batlize co-tigir, ko jivot vere co-dugá ! Toktan bat korik tir ?<br />
<br />
''Scapin'' : Me ine, weltik, me ine.<br />
<br />
''Silvestre'' : Kas tir ke inaf nikeem ?<br />
<br />
''Scapin'' : Volgue, weltik, volson, tir volnapik.<br />
<br />
''Silvestre'' : Volnapik ?<br />
<br />
''Scapin'' : Gue.<br />
<br />
''Silvestre'' : Ax, fotce ! Zo felbé. Til volnik ke bat Argante facilik, ex ?<br />
<br />
''Scapin'' : Gue, en, dulzoé.<br />
<br />
Silvestre, ~ va inafa nuba figon narir ~ : Batliz uzal, uzal ! Va rin bosá ise poron vogá, kan buren dug, kan kota rotiyana vruza, da abdi miel gu bat tozekik, gu bat Argante facilik, tunuyatá ! Va jin dirnul !<br />
<br />
''Scapin'' : Weltik, koe bata patecta tizuca zo soreyur.<br />
<br />
''Silvestre'' : Va kotcoba nulé, ise va mecoba rodrasú.<br />
<br />
''Scapin'' : Ine efe kalobratar ; ise va jontik vuwik isu nik isu kwik dikir. Ape va sin kev rinafa vidjera faveter.<br />
<br />
''Silvestre'' : Va batcoba eruckú, fotce ! Va batcoba. ( Va dug divplekur aze kotliz platir, dumede jontiktan lenteon co-tigid. ) Ax rem taka ! Ax rem jivot ! Aje va ine is inyon nik dure me trasí ! Aje lent jin do bar-sanoy korik me awir ! Aje va sin ipes dem ervo koe nuba me wí ! Manon, webdik, va jin laoon dilfuc ? Benje, fotce ! Atá, meumbeson ! Acon lyumá ! Platí ! Va nuganya, va ita ! Ax ! Facilik, ax ! Gedujik, batliz djudugac : pune fu uzearsac. Levgic, webdik, levgic ! Tetce ! Va bata dugara ! va bana ! va ara ! ware ! Tokon, dimelanic ? Va nuga axon, fotce ! Va nuganya !<br />
<br />
''Scapin'' : Ex, ex, ex ! Weltik, me tiv ke ine.<br />
<br />
''Silvestre'' : Batinde grupetec da va jin me govetsunec.<br />
<br />
''Scapin'' : Kle, rabateckel ote korik ika tol-decemoy erbolkam zo atatad. Ox ! Va falapa mu rin pokolé.<br />
<br />
''Argante'', ~ skotcapason ~: Scapin.<br />
<br />
''Scapin'' : Ixedá ? <br />
<br />
''Argante'' : Xaá nume va tol-decemoy erbolkam zilí.<br />
<br />
''Scapin'' : Zo felbé, va rin albason.<br />
<br />
''Argante'' : Va in kevlanit, bene int gí.<br />
<br />
''Scapin'' : Va sin pu jin opelon deal. Ta videra va poruca, larde al bevulal artan, batliz me gonawil ! Ostik, kivá da ede ine va rin co-kosmar, pune lodroe co-roterur.<br />
<br />
''Argante'' : Efe, vexe co-albá da wí inde jinafa erba fu zo zilir.<br />
<br />
''Scapin'' : Kas va jin budaxal ?<br />
<br />
''Argante'' : Volgue ; vexe…<br />
<br />
''Scapin'' : Fotce, weltik, tí ont nyagik ont telik : bat vols ban oke ban vols bat. Kas va rin co- djulevcoé ? Ison va dulapok araf gu tel ke rin is jinaf feliik do dan djuvangluyal, koe bata arienta co- aneyá ? Ede zo uculegá, pune va koncoba mea forná nume batvielu va artan vandelvejatas va rinafa arienta di gotrasil.<br />
<br />
''Argante'' : Kle gil !<br />
<br />
''Scapin'' : Me, weltik, va rinafa erba pu jin me nafel. Tití sensaf da va artan fu favel.<br />
<br />
''Argante'' : Lorik ! Gil !<br />
<br />
''Scapin'' : Me, kalí, va jin me dirnul. Kas grupel ede va rinafa erba me djugralombé ?<br />
<br />
''Argante'' : Gil, kalí, va jin ten aklel ! Voxe modoval da va int gu in abdinendal.<br />
<br />
''Scapin'' : Iskel da askí, me ti fitulik.<br />
<br />
''Argante'' : Dene jin va rin fu ké.<br />
<br />
''Scapin'' : En lanití. Batse battel. Va bantel gonaneyá ! Ax, fotce ! Batse in. Nuve kelt va sin, va bat az ban, ko jinafa dona vanstar.<br />
<br />
{{NyagaceemScapin_iyelt}}<br />
<br />
<br />
{{NyagaceemScapin_krent<br />
| nakileem_otuk = Toleaf<br />
| nakila_nakila = 6<sup>-eafa</sup><br />
| nakila_abduenakila = [[NyagaceemScapin_Nakileem02_Nakila05|5<sup>-eafa</sup> nakila]] <br />
| nakila_radimenakila = [[NyagaceemScapin_Nakileem02_Nakila07|7<sup>-eafa</sup> nakila]] <br />
}}<br />
<br />
{{NyagaceemScapin_lomeem}}<br />
<br />
[[fr:FR_NyagaceemScapin Nakileem02 Nakila06]]</div>Vieux Daniel