https://www.europalingua.eu/bad_wikikrenteem/index.php?action=history&feed=atom&title=LA_Biblia_Nasbal_Blokey04LA Biblia Nasbal Blokey04 - Betarizvot2026-06-10T02:31:08ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=LA_Biblia_Nasbal_Blokey04&diff=3188&oldid=prevWikimistusik koe 13:18, 15 balemeaksat 20082008-04-15T13:18:55Z<p></p>
<p><b>Nouvelle page</b></p><div>==Liber Genesis 4 : Cain et Abel==<br />
<br />
<poem><br />
1 Adam vero cognovit Evam uxo rem suam, quae concepit et peperit Cain dicens: “Acquisivi virum per Dominum”.<br />
<br />
2 Rursusque peperit fratrem eius Abel. Et fuit Abel pastor ovium et Cain agricola.<br />
<br />
3 Factum est autem post aliquot dies ut offerret Cain de fructibus agri munus Domino. <br />
<br />
4 Abel quoque obtulit de primogenitis gregis sui et de adipibus eorum. Et respexit Dominus ad Abel et ad munus eius, <br />
<br />
5 ad Cain vero et ad munus illius non respexit. Iratusque est Cain vehementer, et concidit vultus eius. <br />
<br />
6 Dixitque Dominus ad eum: “Quare iratus es, et cur concidit facies tua?<br />
<br />
7 Nonne si bene egeris, vultum attolles? Sin autem male, in foribus peccatum insidiabitur, et ad te erit appetitus eius, tu autem dominaberis illius”. <br />
<br />
8 Dixitque Cain ad Abel fratrem suum: “Egrediamur foras”. Cumque essent in agro, consurrexit Cain adversus Abel fratrem suum et interfecit eum. <br />
<br />
9 Et ait Dominus ad Cain: “Ubi est Abel frater tuus?”. Qui respondit: “Nescio. Num custos fratris mei sum ego?”.<br />
<br />
10 Dixitque ad eum: “Quid fecisti? Vox sanguinis fratris tui clamat ad me de agro. <br />
<br />
11 Nunc igitur maledictus eris procul ab agro, qui aperuit os suum et suscepit sanguinem fratris tui de manu tua! <br />
<br />
12 Cum operatus fueris eum, amplius non dabit tibi fructus suos; vagus et profugus eris super terram”. <br />
<br />
13 Dixitque Cain ad Dominum: “Maior est poena mea quam ut portem eam.<br />
<br />
14 Ecce eicis me hodie a facie agri, et a facie tua abscondar et ero vagus et profugus in terra; omnis igitur, qui invenerit me, occidet me”. <br />
<br />
15 Dixitque ei Dominus: “Nequaquam ita fiet, sed omnis qui occiderit Cain, septuplum punietur!”. Posuitque Dominus Cain signum, ut non eum interficeret omnis qui invenisset eum.<br />
<br />
16 Egressusque Cain a facie Domini habitavit in terra Nod ad orientalem plagam Eden.<br />
<br />
17 Cognovit autem Cain uxorem suam, quae concepit et peperit Henoch. Et aedificavit civitatem vocavitque nomen eius ex nomine filii sui Henoch. <br />
<br />
18 Porro Henoch genuit Irad, et Irad genuit Maviael, et Maviael genuit Mathusael, et Mathusael genuit Lamech. <br />
<br />
19 Qui accepit uxores duas: nomen uni Ada et nomen alteri Sella.<br />
<br />
20 Genuitque Ada Iabel, qui fuit pater habitantium in tentoriis atque pastorum. <br />
<br />
21 Et nomen fratris eius Iubal; ipse fuit pater omnium canentium cithara et organo. <br />
<br />
22 Sella quoque genuit Tubalcain, qui fuit malleator et faber in cuncta opera aeris et ferri. Soror vero Tubalcain Noema. <br />
<br />
23 Dixitque Lamech uxoribus suis:<br />
“Ada et Sella, audite vocem meam; <br />
uxores Lamech, auscultate sermonem meum:<br />
occidi virum pro vulnere meo<br />
et adulescentulum pro livore meo;<br />
<br />
24 septuplum ultio dabitur de Cain, <br />
de Lamech vero septuagies septies”.<br />
<br />
25 Cognovit quoque Adam uxorem suam, et peperit filium vocavitque nomen eius Seth dicens: “Posuit mihi Deus semen aliud pro Abel, quem occidit Cain”. <br />
<br />
26 Sed et Seth natus est filius, quem vocavit Enos. Tunc coeperunt invocare nomen Domini.<br />
</poem><br />
<br />
[[avk:Biblia_Nasbal_Blokey04]]</div>Wikimistusik