https://www.europalingua.eu/bad_wikikrenteem/index.php?action=history&feed=atom&title=LA_Biblia_Nasbal_Blokey03LA Biblia Nasbal Blokey03 - Betarizvot2026-05-14T04:15:47ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=LA_Biblia_Nasbal_Blokey03&diff=3187&oldid=prevWikimistusik koe 13:17, 15 balemeaksat 20082008-04-15T13:17:27Z<p></p>
<p><b>Nouvelle page</b></p><div>==Liber Genesis 3==<br />
<br />
<poem><br />
1 Et serpens erat callidior cunctis animantibus agri, quae fecerat Dominus Deus. Qui dixit ad mulierem: “Verene praecepit vobis Deus, ut non comederetis de omni ligno paradisi?”.<br />
<br />
2 Cui respondit mulier: “De fructu lignorum, quae sunt in paradiso, vescimur;<br />
<br />
3 de fructu vero ligni, quod est in medio paradisi, praecepit nobis Deus, ne comederemus et ne tangeremus illud, ne moriamur”. <br />
<br />
4 Dixit autem serpens ad mulierem: “Nequaquam morte moriemini! <br />
<br />
5 Scit enim Deus quod in quocumque die comederitis ex eo, aperientur oculi vestri, et eritis sicut Deus scientes bonum et malum”.<br />
<br />
6 Vidit igitur mulier quod bonum esset lignum ad vescendum et pulchrum oculis et desiderabile esset lignum ad intellegendum; et tulit de fructu illius et comedit deditque etiam viro suo secum, qui comedit. <br />
<br />
7 Et aperti sunt oculi amborum. Cumque cognovissent esse se nudos, consuerunt folia ficus et fecerunt sibi perizomata. <br />
<br />
8 Et cum audissent vocem Domini Dei deambulantis in paradiso ad auram post meridiem, abscondit se Adam et uxor eius a facie Domini Dei in medio ligni paradisi. <br />
<br />
9 Vocavitque Dominus Deus Adam et dixit ei: “Ubi es?”. <br />
<br />
10 Qui ait: “Vocem tuam audivi in paradiso et timui eo quod nudus essem et abscondi me”. <br />
<br />
11 Cui dixit: “Quis enim indicavit tibi quod nudus esses, nisi quod ex ligno, de quo tibi praeceperam, ne comederes, comedisti?”. <br />
<br />
12 Dixitque Adam: “Mulier, quam dedisti sociam mihi, ipsa dedit mihi de ligno, et comedi”. <br />
<br />
13 Et dixit Dominus Deus ad mulierem: “Quid hoc fecisti?”. Quae respondit: “Serpens decepit me, et comedi”.<br />
<br />
14 Et ait Dominus Deus ad serpentem:<br />
“Quia fecisti hoc, <br />
maledictus es inter omnia pecora<br />
et omnes bestias agri!<br />
Super pectus tuum gradieris et pulverem comedes cunctis<br />
diebus vitae tuae.<br />
<br />
15 Inimicitias ponam inter te et mulierem<br />
et semen tuum et semen illius;<br />
ipsum conteret caput tuum,<br />
et tu conteres calcaneum eius”.<br />
<br />
16 Mulieri dixit:<br />
“Multiplicabo aerumnas tuas et conceptus tuos: <br />
in dolore paries filios,<br />
et ad virum tuum erit appetitus tuus,<br />
ipse autem dominabitur tui”.<br />
<br />
17 Adae vero dixit: “Quia audisti vocem uxoris tuae et comedisti de ligno, ex quo praeceperam tibi, ne comederes,<br />
maledicta humus propter te!<br />
In laboribus comedes ex ea<br />
cunctis diebus vitae tuae.<br />
<br />
18 Spinas et tribulos germinabit tibi,<br />
et comedes herbas terrae;<br />
<br />
19 in sudore vultus tui vesceris pane,<br />
donec revertaris ad humum,<br />
de qua sumptus es,<br />
quia pulvis es et in pulverem reverteris”.<br />
<br />
20 Et vocavit Adam nomen uxoris suae Eva, eo quod mater esset cunctorum viventium.<br />
<br />
21 Fecit quoque Dominus Deus Adae et uxori eius tunicas pelliceas et induit eos. <br />
<br />
22 Et ait Dominus Deus: “Ecce homo factus est quasi unus ex nobis, ut sciat bonum et malum; nunc ergo, ne mittat manum suam et sumat etiam de ligno vitae et comedat et vivat in aeternum!”.<br />
<br />
23 Emisit eum Dominus Deus de paradiso Eden, ut operaretur humum, de qua sumptus est. <br />
<br />
24 Eiecitque hominem et collocavit ad orientem paradisi Eden cherubim et flammeum gladium atque versatilem ad custodiendam viam ligni vitae.<br />
</poem><br />
<br />
[[avk:Biblia_Nasbal_Blokey03]]</div>Wikimistusik