https://www.europalingua.eu/bad_wikikrenteem/index.php?action=history&feed=atom&title=LA_Biblia_Nasbal_Blokey02LA Biblia Nasbal Blokey02 - Betarizvot2026-06-10T17:18:55ZBetarizvot va batu wikibuMediaWiki 1.25.1https://www.europalingua.eu/bad_wikikrenteem/index.php?title=LA_Biblia_Nasbal_Blokey02&diff=3186&oldid=prevWikimistusik koe 13:14, 15 balemeaksat 20082008-04-15T13:14:29Z<p></p>
<p><b>Nouvelle page</b></p><div>==Liber Genesis 2 : Paradisus==<br />
<br />
<br />
1 Igitur perfecti sunt caeli et terra et omnis exercitus eorum. <br />
<br />
2 Complevitque Deus die septimo opus suum, quod fecerat, et requievit die septimo ab universo opere, quod patrarat.<br />
<br />
3 Et benedixit Deus diei septimo et sanctificavit illum, quia in ipso requieverat ab omni opere suo, quod creavit Deus, ut faceret.<br />
<br />
4 Istae sunt generationes caeli et terrae, quando creata sunt.<br />
<br />
5 In die quo fecit Dominus Deus terram et caelum omne virgultum agri, antequam oriretur in terra, omnisque herba regionis, priusquam germinaret; non enim pluerat Dominus Deus super terram, et homo non erat, qui operaretur humum, <br />
<br />
6 sed fons ascendebat e terra irrigans universam superficiem terrae<br />
<br />
7 tunc formavit Dominus Deus hominem pulverem de humo et inspiravit in nares eius spiraculum vitae, et factus est homo in animam viventem.<br />
<br />
8 Et plantavit Dominus Deus paradisum in Eden ad orientem, in quo posuit hominem, quem formaverat.<br />
<br />
9 Produxitque Dominus Deus de humo omne lignum pulchrum visu et ad vescendum suave, lignum etiam vitae in medio paradisi lignumque scientiae boni et mali.<br />
<br />
10 Et fluvius egrediebatur ex Eden ad irrigandum paradisum, qui inde dividitur in quattuor capita. <br />
<br />
11 Nomen uni Phison: ipse est, qui circuit omnem terram Hevila, ubi est aurum; <br />
<br />
12 et aurum terrae illius optimum est; ibi invenitur bdellium et lapis onychinus.<br />
<br />
13 Et nomen fluvio secundo Geon: ipse est, qui circuit omnem terram Aethiopiae.<br />
<br />
14 Nomen vero fluminis tertii Tigris: ipse vadit ad orientem Assyriae. Fluvius autem quartus ipse est Euphrates.<br />
<br />
15 Tulit ergo Dominus Deus hominem et posuit eum in paradiso Eden, ut operaretur et custodiret illum;<br />
<br />
16 praecepitque Dominus Deus homini dicens: “Ex omni ligno paradisi comede; <br />
<br />
17 de ligno autem scientiae boni et mali ne comedas; in quocumque enim die comederis ex eo, morte morieris”.<br />
<br />
18 Dixit quoque Dominus Deus: “Non est bonum esse hominem solum; faciam ei adiutorium simile sui”.<br />
<br />
19 Formatis igitur Dominus Deus de humo cunctis animantibus agri et universis volatilibus caeli, adduxit ea ad Adam, ut videret quid vocaret ea; omne enim, quod vocavit Adam animae viventis, ipsum est nomen eius.<br />
<br />
20 Appellavitque Adam nominibus suis cuncta pecora et universa volatilia caeli et omnes bestias agri; Adae vero non inveniebatur adiutor similis eius.<br />
<br />
21 Immisit ergo Dominus Deus soporem in Adam. Cumque obdormisset, tulit unam de costis eius et replevit carnem pro ea; <br />
<br />
22 et aedificavit Dominus Deus costam, quam tulerat de Adam, in mulierem et adduxit eam ad Adam.<br />
<br />
23 Dixitque Adam:<br />
“Haec nunc os ex ossibus meis<br />
et caro de carne mea!<br />
Haec vocabitur Virago,<br />
quoniam de viro sumpta est haec”.<br />
<br />
24 Quam ob rem relinquet vir patrem suum et matrem et adhaerebit uxori suae; et erunt in carnem unam. <br />
<br />
25 Erant autem uterque nudi, Adam scilicet et uxor eius, et non erubescebant.<br />
<br />
[[avk:Biblia_Nasbal_Blokey02]]</div>Wikimistusik