Keradjimotikyama - Betarizvot

Wikimistusik: Tutezara

2013-02-04T21:33:24Z

Tutezara

Wikimistusik: Ewava

2013-01-19T20:16:22Z

Ewava

Seramikya: miwaks va reiz

2013-01-19T18:49:02Z

miwaks va reiz

Seramikya: Warzaf reiz ke Charles Perrault

2013-01-19T18:47:57Z

Warzaf reiz ke Charles Perrault

Nouvelle page

{{TextQuality|75%}}
<div style="margin-top:1.2em;font-size:140%;"> <center>'''Keradjimotikyama''' </center></div>

{{Teliz_toza}}

== Keradjimotikyama ==

Konviele lekepon tiyir velikya ke Wida, tela lolistafa mevielu wiyina ; gadikya tiyir kaikrenasa va ina, is veygadikya loon ware. Bata ayikanya va keraf djimotam mu ina volmiv al askiyir. Bat djimot dojeniapayar cugeke kotlize ina gu Keradjimotikyama zo yoltayar.

Konviele, gadikya, egayas va yona cowega isu burmotayas, kaliyir :

— Lanil aze wil inde rinafa veygadikya vir, lecen kontel al kalir da ina akoler. Va tanoya cowega is bata furutsama dem fest pu ina burel !

Keradjimotikyama den veygadikya sokesa koe ara wida vere mallaniyir. Remlanison va aalxo, va Idatcol sulemik kakeveyer. Bantan va ina ve djumestuyur, vexe golde konak intagabesik tigis koe aalxo, me ebleyer. Eruyur liz ina laniyir ; kimtaf velik, megrupes da azavzara is terektara va idatcol tid wupeaca, kaliyir :

— Laní enide va veygadikya di wí ise va tanoya cowega is furutsama dem fest staksena gan Gadya buré.

— Kas ina sumeon soker ? ~ Idatcol eruyur.

— Ox ! en, ~ Keradjimotikyama kaliyir, ~ kaike arteon rowin sukarn, koe taneafa mona ke wida.

— Kle, ~ Idatcol kaliyir, ~ dere djulaní nume va ina di wí ; lanit, jin kene bata kelda vox rin kene bana, nume witit toktol taneon artlanitir.

Idatcol va lotrelafa kelda cugeke toz kenevulteyer, voxe velikya va lodabrotcafa kelda kenelaniyir, va int relandeson is yestason va dieke, is vulteson kadim bord, is tsenkeson va yona kakevena imwa.

Idatcol va mona ke Veygadikya abicedje artvulteyer. Klantar :

— Tuk, tuk…

— Toktan tigir ?

— Rinaf veynazbeik Keradjimotikyama, ~ Idatcol pudadertason kaliyir, ~ ise va tanoya cowega is furutsama dem fest staksena gan Gadikya vanburé.

Veygadikyanya, tigisa koe ilava kir akolemesa, ieyer :

— Va tarida impal nume arelta di fenkur.

Idatcol va tarida ve impayar nume tuvel fenkuweyer. Va ayikyanya moebiduyur aze vugedje vumbeyer ; kire loon mali barka va mecoba al estuyur. Azon va tuvel budeyer, aze ko ilava ke Veygadikya senyayar, keson va Keradjimotikyama. Ina va tuvel vanion klantayar.

— Tuk, tuk…

— Toktan tigir ?

Keradjimotikyama, gildeson va pudapa ke Idatcol, taneon ve vudeyer, vexe folison da Veygadikya ermialeyer, dulzeyer :

— Rinaf veynazbeik Keradjimotikyama ise va tanoya cowega is furutsama dem fest staksena gan Gadikya vanburé.

Idatcol tuzijnamason va puda ieyer :

— Va tarida impal nume arelta di fenkur.

Keradjimotikyama va tarida ve impayar nume tuvel fenkuweyer.

Idatcol, wison va ina kolanisa, koe ilava leve modivatcesiku va int palseson kaliyir :

— Mo begak va cowega is furutsama dem fest plekul, aze do jin senyal.

Keradjimotikyama va int basvager aze va ilava anjel, lize zo gevapar wison inde Veygadikya koe mielklaim tiyir. Ina kaliyir :

— Veygadya, maneke rinaf meem tir gijaf ?

— Enide va rin lokiewon má, velya.

— Veygadya, maneke rinaf nimateem tir gijaf ?

— Enide lokiewon vulté, velya.

— Veygadya, maneke rinaf oblakeem tir gijaf ?

— Enide va rin lokiewon kalterektá, velya.

— Veygadya, maneke rinaf iteem tir gijaf ?

— Enide va rin lokiewon kalwí, velya.

— Veygadya, maneke rinaf talgeem tir gijaf ?

— Enide va rin estú.

Nume kalison va batyon ravlem, bat ikoraf Idatcol va Keradjimotikyama moebiduyur aze estuyur.

'''LIDOK'''

Batlize wit da velik, 
Nelkon velikya 
Listafa is kiewafa is agralafa, 
Askipijid terektason va bet korik, 
Nume me tir divulaca, 
Da jontika gan Idatcol zo estud. 
Kalí : Idatcol, kire kot idatcol 
Me tir milindaf ; 
Konak tid puvotes is krenugaf, 
Loriskon is mepiron is mezideson, 
Ton kafa aflica nutison, 
Va yikya radimelanid 
Kal mona, kal nuda ; 
Vexe kax ! kottan gruper da, ke idatcoleem 
man zijnodaf idatcol tel lowupef. 

|style="vertical-align: top;"|
{{Krent_Iyelt3
| xanto_vergumvelt = '''Le Petit Chaperon Rouge'''
| xanto_sutesik = [[Charles Perrault]]
| xanto_larminda = Reizak
| xanto_larm = '''Les Contes de ma mère l'Oye'''
| xanto_piskura = -
| xanto_ava = [http://www.kotava.be/xadola/pmwiki.php?n=Rekluexo.Francava Francava]
| xanto_evla = 1697
| kalkotavara_vergumvelt = Keradjimotikyama
| kalkotavara_kalkotavasik = Elisabeth Rovall
| kalkotavara_piskura =
| kalkotavara_evla = 2013
| kalkotavara_klita =
| webesik = [[Favesik:Seramikya|Seramikya]]
| krentduga = [[Image:75%.jpg]] Gotuenana
| kseva1 = #B79EDA
| kseva2 = #D9BBFF
}}
[[Image:Stazkiraf_karvol_(Carl_Offterdinger).jpg|right|220px|alt=Keradjimotikyama|Yunkeks ke Carl Offterdinger]]
|}

[[Loma:Reiz]]
[[Loma:XVII-eafa decemda]]
[[Loma:FrancavaSuteroteem]]
[[Loma:Perrault (Charles)|Keradjimotikyama]]
[[Loma:Sutesik-P|Keradjimotikyama]]

@@ Ligne 103: / Ligne 103: @@
 man zijnodaf idatcol tel lowupef.<br/>
-|style="vertical-align: top;"|
+{{Krent_Iyelt_Goyolyanya_1
-{{Krent_Iyelt3
+| reiz_vergumvelt_FR = Le Petit Chaperon Rouge
-| xanto_vergumvelt = '''Le Petit Chaperon Rouge'''
+| reiz_vergumvelt_AVK = Keradjimotikyama
-| xanto_sutesik = [[Charles Perrault]]
-| xanto_larminda = Reizak
-| xanto_larm = '''Les Contes de ma mère l'Oye'''
-| xanto_piskura = -
-| xanto_ava = [http://www.kotava.be/xadola/pmwiki.php?n=Rekluexo.Francava Francava]
-| xanto_evla = 1697
-| kalkotavara_vergumvelt = Keradjimotikyama
-| kalkotavara_kalkotavasik = Elisabeth Rovall
-| kalkotavara_piskura =
-| kalkotavara_evla = 2013
-| kalkotavara_klita =
-| webesik = [[Favesik:Seramikya|Seramikya]]
-| krentduga = [[Image:75%.jpg]] Gotuenana
-| kseva1 = #B79EDA
-| kseva2 = #D9BBFF
 }}
 [[Image:Keradjimotikyama_(Carl_Offterdinger)_2.jpg|right|220px|alt=Keradjimotikyama|Yunkeks ke Carl Offterdinger]]
 [[Image:Keradjimotikyama_(Carl_Offterdinger).jpg|right|220px|alt=Keradjimotikyama|Yunkeks ke Carl Offterdinger]]
-|}
+{{Krent_Iyelt_Goyolyanya_2}}
-−
-[[Loma:Reiz]]
-[[Loma:XVII-eafa decemda]]
-[[Loma:FrancavaSuteroteem]]
 [[Loma:Perrault (Charles)|Keradjimotikyama]]
 [[Loma:Sutesik-P|Keradjimotikyama]]

@@ Ligne 4: / Ligne 4: @@
 {{Teliz_toza}}
-== Keradjimotikyama ==
+== Reiz : Keradjimotikyama ==
 Konviele lekepon tiyir velikya ke Wida, tela lolistafa mevielu wiyina ; gadikya tiyir kaikrenasa va ina, is veygadikya loon ware. Bata ayikanya va keraf djimotam mu ina volmiv al askiyir. Bat djimot dojeniapayar cugeke kotlize ina gu Keradjimotikyama zo yoltayar.