https://www.europalingua.eu/bad_wikikrenteem/index.php?action=history&feed=atom&title=KanakafaVunda_Mielnega 2026-05-13T19:28:38Z Betarizvot va batu wikibu MediaWiki 1.25.1 https://www.europalingua.eu/bad_wikikrenteem/index.php?title=KanakafaVunda_Mielnega&diff=4905&oldid=prev 2013-05-01T11:03:39Z

<p>Warzafa vunda</p> <p><b>Nouvelle page</b></p><div>{{TextQuality|75%}}<br /> &lt;div style=&quot;margin-top:1.2em;font-size:140%;&quot;&gt; &lt;center&gt;'''Mielnega'''&lt;/center&gt;&lt;/div&gt;<br /> <br /> <br /> {{Teliz_toza}}<br /> <br /> ==XIV : Mielnega==<br /> <br /> Mielar ; grelt, senyes valeve wageya, bak taelara, isker da gan puda ke djiga is yona nega ke reizusik zo kovdar, ke reizusik kenibemes ik krodoemes kalis va yona tacukafa rupa dum klok.<br /> <br /> Konaktan kalterektad ; artan bro in, modamas, va onton reizusik ok onton intafa gesta malterektad.<br /> <br /> Koe aalxo rozara ke ''notu'' sulem gabenton mamar ; va nola ke jaftolsusik vektar ; zokaf swavik ke kiray, vreparlen gan tael, vanpid tacedik dem gem kum kerafa tawa ok kalkafa koxawa.<br /> <br /> Sukera ke xefto koe gael egawer.<br /> <br /> Dile, mo grelt jivotsenyes, vesnol leve wilteem va gael tufedar.<br /> <br /> Sumeon, sumepon, kima va batakik tigir : abdigadaf taway, ketaf gu bora ke diveik.<br /> <br /> Wida tir kulafa ; brava tori guema is sfixo is nodxo tigid ; kotvielon warolaks ok onaks zo estud. Va tokcoba loon rogalpet ?<br /> <br /> Batdume reizusik tir gabentaf ise va yona grenyafa rupa pwader.<br /> <br /> — Gelkeon, ~ kalir, ~ ugale taneafa batakikafa guema al artlapid, grelt tiyir kulaf is gijarotif dum winaf ; lansielon, do nazbeikeem, ken bira wiveyer.<br /> <br /> » Yikye toz azdayad, dison va itupafa takra ; yikya kipeyed.<br /> <br /> » Grelt va jontiktan dadiyir eke va domega ton ematcap kereleyer.<br /> <br /> » Guazik va kolnara va warzafa wida pu sint pulviyid.<br /> <br /> » Levgon, meftava atitsuyur nume va grelt besayar.<br /> <br /> » Batdume batvielu, pokelanison va meftava ke jontik grelt metan sokazdar.<br /> <br /> » Vexe folic, me tir azdara vanimpasa va pistok vols kaluca.<br /> <br /> » Jin pwadé, konakviele al wí.<br /> <br /> » Taneatomon, tiyí velik : pesteyé kalapaf eke vugedje kenibeyé enide wan pesté blis.<br /> <br /> » Vexe toktan vanmiae gama banlize kaliziwer ? Ede co-tir suka, pune ontinuk zo co-tegular.<br /> <br /> » Me sonkeyé da gadikya kobarsayar : tre burera va vajap, vanpiyir xowapasa, nume lanvielon, lubeyeson golde aldo ke vanburen kabay, senyayar aze awalkeyer.<br /> <br /> » Gadikye va ar yerumanik nariyir : in va jin alieyer ; vexe vanpiyis sardik, va sinka miv aneyayá nume in va koncoba mea kaliyir ; azon, savsafa yerumanikya ke okilapik, greltgrelton koyasa, kaliyison da tiyí listaf, pune va arcoba mea trakuyú ise batcoba tukalayar.<br /> <br /> » Lanmielon modovayá, bam wageye mo gexata ve lubeyer nume va jinaf pez seluyur : batvielu tí evakaf.<br /> <br /> » Aguntanik va jin me ve djumeyer ; wori, co-tukalapayá : kotviele cin ant co-tigiyiv, pune va vaj ikaon co-bureyé, dimplekuckuson mo inafe ge kabduo widik ; in do jin co-estuyur, meviele co-alieyé, voxe me al djumer ; al isker da den kiray ke Weami-dyakul (ubiga) al zo vanstar ; ise va kot rapor ke inafa poxa ik kotaf tcabaneks iku onaks gonobureyer.<br /> <br /> » Kle va Eluey (kusafa gefesta) kevlanil dume toa tegulawed !<br /> <br /> » Vexe Eluey me kevlaniyir. Va dik ugal dadiyir : batcoba tiyir akoyera ke greltap ke ara ewala aneyas va inkexo.<br /> <br /> Reizusik oveyer : me tir azdara atitsusisa va meftava vols kaluca.<br /> <br /> {{Krent_Iyelt_KanakafaVunda_1<br /> | vunda_vergumvelt_FR = Récits nocturnes<br /> | vunda_vergumvelt_AVK = Mielnega<br /> }}<br /> <br /> <br /> {{Michel_KanakafaVundaSe_krent<br /> | kuda_vergumvelt = XIV : Mielnega<br /> | kuda_abduekuda = [[KanakafaVunda_Gejadanka |XIII : Gejadanka ]]<br /> | kuda_radimekuda = --<br /> }}<br /> <br /> {{Teza:Krent_Iyelt_KanakafaVunda_2}}<br /> [[Loma:Michel (Louise)|Kanakafa vunda : Mielnega]]<br /> [[Loma: Kanakafa vunda|Kanakafa vunda : Mielnega]]</div>

Bcordelier