Vunda va toloy awalt

Teliz mal Wikikrenteem.

Grablé kal exulera, aneyara

Vunda va toloy awalt
Austronesiafa vunda ke Atayal sane (Taiwana)
  Xanto  
Vergumvelt La légende des deux soleils
Sutesik -
Piskura -
Ava Francava
Evla -
  Kalkotavara  
Vergumvelt Vunda va toloy awalt
Kalkotavasik Sabrina Benkelloun
Piskura -
Evla 2007
  Krentduga  
Webesik Sab
Krentduga Image:75%.jpg Gotuenana


Lekeon toloy awalt koe kelt tiyid. Tan tiyir lopwertaf dam minaf noelaf awalt. Saz tiyir idulaf is rodaf, kota kuksa tiyir rodafa nume tapleku se me rotatriyid. Bat toloy awalt sotiyid koe kelt acum afiz is miel me sotiyid. Kottan mejeper. Konviele ta yawara va tcineratrasira Atayal sane va int katanayar, nume gorayar da va tan awalt atar. Baroy gejik ve tukuranaweyed aze gebureson va baroy pintik ve mallapiyid.

Lanira van awalt yo tiyir abrotcifa. Darpe tanda se baroy gejik tuloguazaweyed ise pintik yo tugijaweyed. Tenion baroy gejik darpeon ve awalkeyed voxe baroy tugijaweyes pintik van awalt trenayad. Konviele ve artlapiyid lanlize bat awalt yo tiyid aze ve gorayad da kan intafa tceka se va tan awalt atad. Toz tcekayad. Awalt lembieweson toz forteyayar. Fortey mo taka ke tane baroye yikye ve lubeyer dane goldeon ve awalkeyer. Toloy artan bakayan ve otceyed.

Tele toloye yikye ve dimlaniyid. Viele ko wida ve artlaniyid tiyid tuguazaweyes. Mali bat viel anton sotir tanoy awalt koe kelt nume afiz is miel tid sosolwin. Batugale sowin tael tir zavzaks ke awalt lekeon balieyen gan budaf gejik yo.