Tel fraskesik va ralk

Teliz mal Wikikrenteem.

Grablé kal exulera, aneyara

Tel fraskesik va ralk
Siniaf reiz
  Xanto  
Vergumvelt Le guérisseur de bosses
Sutesik -
Piskura -
Ava Siniava
Evla -
  Kalkotavara  
Vergumvelt Tel fraskesik va ralk
Kalkotavasik Sabrina Benkelloun
Piskura -
Evla 2007
  Krentduga  
Webesik Sab
Krentduga Image:75%.jpg Gotuenana


Konugale tiyir selaropik va int derbes da va ralkik grufrasker.

- Ede ayik tir livaf dum tra ok warmoletra ok ivamuk ise va jin gukoer, bad tanka va in turontatá, in ve kaliyir.

Lan ralkik ve tiyir folidjaf maneke va bata letca ve foliyir. Nume battan ta da va ralk zo grikter va in gukoer.

Todlik va toloy azeb ve nariyir, ve askiyir da mo mosidayan azeb ralkkirik senhar, aze in va tel toleaf azeb vamoon ve rundayar, aze va azeb molanison va ralkkirik buupuson nugapeyer. Ralkkirik ve dimvanpiyir rontaf voxe di awalkeyer.

Lecen da nasbeik ke awalkik va in djukomalherotayar, todlik ve divieyer :

- Jinafa exava tir fraskera va ralk ke ralkkirik ; jin va in turontá ; nume ede in di awalker oke me, batcoba va jin me sikapburar !