Tel Rotik dank 02

Teliz mal Wikikrenteem.

Grablé kal exulera, aneyara

Tel Rotik
Bamanavafa kuda (Malia)


Toleaf dank

Va tel rotik !
Toktan va tel rotik gruper ?
Va tel rotik !
Va tel rotik vol grupet !
Tel rotik al ranhar
Bevulason tujdesik,
Prakaptik,
Nevapaptik.
Tel rotik al pir,
Kalison da va selaropa gruper,
Ise tir wayotiasik,
Is akolacenhesik.
In kaliarson artlanir,
Bevulason diveik.
Abdi da afizar
In kalir da tir widaf.
Nuca tir keyaksera ?
In kalir da tir kotunaf nik.
Rena tir keyaksera,
In kalir da tir renanhasik.
Kurera zo fiptar,
In tir donaf kurenik.
Ox ! Bizakuca !
Va tel rotik me grupet !
Vanawalton,
In tir batakanhaf.
Men sielar
In tir ebeltapaf.
Ba mielara,
In tir varon keraf.
Ba miafiz,
In dure tir gemon kretsakiraf.
In ixam tir lukoptapaf,
Kalir da va rin me gruper
Vuwikeem borer !
Vegungikeem ikuzedar !
Grupenikeem brer !
Ortara va kurenikye,
Kifura va kurenikya,
Mijeralor koe Wasulu,
Yon meld isu ie,
Yon motc isu jiz,
Dubien dubiesik,
Gripokolera tir varafa.
‘Me’ wetce vewara gan gazik me zo krafiar.
Polasa debala !
Sa mea tir.
Ayik va mecoba digir
Inafa pokolera me tenuwer.
Antaf volnik ke ayik
Tir akola.
Ilblisik tir volkalaf.
Xonukasik tir tena.
Ede drendik va ar co-gralomer,
Co-tir akoyeson.
Ayikya grunasbar voxe va nasbeik me rodir.
Tir saca !
Illanira num koridara va int,
Tir toza ke relmera.
Emudesikanh va reizusik is ‘ortasik’,
Me tir milcoba.
Nik is brostasik
Dere tid amidaf.
Viele zanisik va sint mijed,
Zavzaks ke regelta awid.
‘Velik me roter’
Batcoba va gadikya me karavaldur.
En, en,
Tel rotik me tir kiewaf.
Toktan va jinaf volnik al wir ?
Toklize tir tel rotik ?
Tel rotik ?
Kle toktan va tel rotik gruper ?
Va tel rotik vol grupet !

  Xanto  
Vergumvelt Mɔkɔ juku
Sutesik -
Piskura -
Ava Bamanava
Evla -
  Kalkotavara  
Vergumvelt Tel Rotik
Kalkotavasik Abdoulaye Coulibaly
Piskura -
Evla 2008
  Krentduga  
Webesik Soundiata
Krentduga Image:75%.jpg Gotuenana


Tel Rotik (bamanavafa kuda)

← 1-eaf dank - 2-eaf dank - 3-eaf dank →

Ara ava se