Stendhal

Teliz mal Wikikrenteem.

Grablé kal exulera, aneyara
Stendhal
1783-1842
Francavaf suterotik


Henri Beyle, okon Stendhal (23/01/1783 Grenoble - 23/03/1842 Paris) tir francaf suterotik, sposaf gu gedeluca ta luzdara va pestakeem ke intaf koredikeem is gu kuranafa roduca ke martig.

Va konaka geja ke Artowarugal is Ginugal wetce fayik is sayakaf namyesik al paker.


Blira

Stendhal koe Grenoble koe glastafa yasa inton karolamana koblir aze gadikya di awalker viele in tir perdaf. Bak 1796, va Ecole Centrale (Vamoefa Bema va Driteba) koe Grenoble kobemawer. Bak 1800/1801, ko Italia ta tawuk mallapir lize va rikulik dene 6-eafa okolikafa vertega zo koflir. Dim Paris, ko parloera ik suterotafa kiewatca ik brostason va yona ayikya va int lakorundar. Bata raverafa tanda va Julien Sorel koredik koe Le Rouge et le Noir (Kere is Ebelte) di turestad. Mali 1810, va ristula is yona napoleonafa geja azon paker. Ba akeoyera ke Taneafo Ginaxo, bak 1814, ko Italia mallapir lize ko Milano inkewer. Batedje, va konak grabom icde Italia is De l'amour (Icde Rena) trakopaxa suter. Bak 1821, buntun gu luntaca ta "carbonari" lizor (vanolapan is muxan ko Vanina Vanini warzot), ez Milano zo divmimar.

Dim Paris, riwe erbiskaf yoke muluftera ke gadikye, nobason va konaka bonta va suterotafa anameda kofir. Batinde va rijay is dace Prosper Mérimée godevrik dir. Va yona felaxa suter ise va yona trakopaxa sanegar. Va Armance taneaf berpot bak 1827 az Le Rouge et le Noir (Kere is Ebelte) berpot turestaman gan artowara ke pereaksat bak 1830 sanegar. Bat berpot di kiewatcapar. Vani bata artowara, wetce ikapermik koe Civitavecchia koe Italia zo koflir.

Koe Civitavecchia, argawer nume koyar. Va konak bokayan grabom (Souvenir d'égotisme is Lucien Leuwen) me lajutenuker. Vani jiadara va ironokaf grabom, Xidaxe ke Parma bak 1839, ba 23/03/1842 takron awalker.


Ozwaks

Stendhal va konak grupecken ozwaks al isker.



Stendhal
(Henri Beyle)


Henri Beyle, okon Stendhal. Delt gan Johan Olaf Sodemark (1840)
 Blira 1783-1842
 Ava Francava
 Suterind Berpot, Warzot
  Suterot

  • Vies de Haydn, Mozart et Métastase, 1815
  • Histoire de la Peinture en Italie, 1817
  • Rome, Naples et Florence, 1817
  • De l'amour, Paris, 1822
  • Racine et Shakespeare, 1823
  • Vie de Rossini, 1823
  • Racine et Shakespeare, II, 1825
  • D'un nouveau complot contre les industriels, 1825
  • Armance, 1827
  • Promenades dans Rome, 1829
  • Le Rouge et le Noir, (Kere is Ebelte), 1831
  • Mémoires d'un touriste, 1838
  • La Chartreuse de Parme, (Xidaxe ke Parma), 1839
  • Chroniques italiennes, 1839
  • Idées italiennes sur quelques tableaux célèbres, 1840