Sonsan is jukatana yikya

Teliz mal Wikikrenteem.

Grablé kal exulera, aneyara

Sonsan is jukatana yikya
Bamanavaf reiz (Malia)


Nasbeikya dene widokilik tiyir. Cabdaal koe taya pokeon ranheyer… Okilik bam anamwalzer da va nasbeikya pu tel kan tceka va cabdaalulim gruremrutus jukatar.


Ba gorayas viel, kot bonol yo ke molda va sint kabelcad. Voxe walion Sonsan libakol al suzenkayar. Den Dun al laniyir aze al eruyur ede in va cabdaal malkalon co-roremrur ise mo fe se va vartebak co-rokrur. Metan walraveyer.


Ba vidiaviel, kottan kle tiyir gadiaf, gison va kalatcena tra dem tceka. Bonol se tiyid aname cabdaal. Suruku dikdatol taneon vanlanir. Jugemepeson, ko ulim tcekar voxe me remrur.


Waraninkalan narmol vanlanir. Dere ko ulim meremruson tcekar.


Waraba krapol, dere va int atoer. Vexe me di kiewaskir da remrur.


Sama fuzol va int egar. Kottan miv trakur da fuzol tir pof maneke fu kiewaskir da va ulim malkalon remrur. Sama wazdelimpar aze sotcer sotceper… Va tceka adim ilnarir. In ko ulim taplekuwer maneke aal skotcar. Tceka al kolupur volse arton remrur.


Bam Sonsan libakol vanlanir. Kottan balger kalison :

– Ex, Sonsan ! Konaktan lopopof dam rin al rodjed voxe rin, folil da fu kiewaskitil ?


Medulzeson, Sonsan tirkon galter. Va vartebak kulmenher aze trasotcer aze va tceka ilnarir. Tela va vartebak ronton kotalar aze va ulim remuon divar.


Tanboyafa vankievera ve tir :

– Yerumanikya va Sonsan pasur !


In pu Sonsan libakol ve zo ziliyir.

  Xanto  
Vergumvelt Sonsan bɛ muso sɔrɔ
Sutesik -
Piskura -
Ava Bamanava
Evla -
  Kalkotavara  
Vergumvelt Sonsan is jukatana yikya
Kalkotavasik Abdoulaye Coulibaly
Piskura -
Evla 2008
  Krentduga  
Webesik Soundiata
Krentduga Image:75%.jpg Gotuenana