Antafa tí

Teliz mal Wikikrenteem.

(Graskan mal Seulete suy)
Grablé kal exulera, aneyara

Antafa tí


Antafa tí ise djutí,
Antafa jinya dawarik al isker,
Antafa tí, voldo dositik ok kurenik,
Antafa tí, wefoxafa is zidesa,
Antafa tí volsenson prelkason,
Antafa tí loon dam bettanya egluweyesa,
Antafa tí, voldo dawarik zavzasa.

Antafa tí, kadime tuvel ok dilk,
Antafa tí, koe gentim palsewesa,
Antafa tí, da miv ikuzulí,
Antafa tí, wefoxafa ok vandiliyina,

Antafa tí, mecoba fudjenher,
Antafa tí, koe mawa, kobudeyena,
Antafa tí, voldo dawarik zavzasa.

Antafa tí, kotlize is kotinde,
Antafa tí, betliz laní oke zavzá,
Antafa tí, loon dam bettan,
Antafa tí, gan kottel zo iskedá,
Antafa tí, olgon zo tuomá,
Antafa tí, fereon ikuzapá,
Antafa tí, voldo dawarik zavzasa.

Sersikye, al toz kranavé,
Antafa tí, gan sugawalk dratcena,
Antafa tí, lodorikafa dam bertrafa,
Antafa tí, voldo dawarik zavzasa.

  Xanto  
Vergumvelt Seulete suy
Sutesik Christine de Pisan
Piskura Cent Ballades
Ava Francava
Evla 1405
  Kalkotavara  
Vergumvelt Antafa tí
Kalkotavasik Elisabeth Rovall
Piskura -
Evla 2005
Klita Kalkotavaks
  Krentduga  
Webesik Wikimistusik
Krentduga Image: 75%.jpg Gotuenana