Sersikam Luz22

Teliz mal Wikikrenteem.

Grablé kal exulera, aneyara

Sersikam


Tol-san-toleaf luz

- Kiavá, sersikam ve kaliyir.

- Kiavá, graskasik ve kaliyir.

- Va tokcoba batlize askil ? sersikam ve kaliyir.

- Va koyasik yo, decitdeciton, mubé, graskasik ve kaliyir. Va impadimak ont talton ont ronon divbures va sin divtunsé.

Aze koafis impadimak, edibuus, va graskaxe ve tuskotcasayar.

- Sin tid soriapaf, sersikam ve kaliyir. Va tokcoba aneyad ?

- Ayik ke lizimeltasiko dere afanar, graskasik ve kaliyir.

Aze toleaf koafis impadimak geuon ve buuyur.

- Sin ixam dimpid ? sersikam ve eruyur...

- Me tid mil, graskasik ve kaliyir. Tir ikabetara.

- Sin me tiyid valeaf lize tiyid ?

- Metan meviele tir valeaf lize tir, graskasik ve kaliyir.

Aze bareaf koafis impadimak ve edibuuyur.

- Sin va taneaf koyasik yo onkad ? sersikam ve eruyur.

- Sin va mecoba onkad, graskasik ve kaliyir. Koeon kenibed oke wirkad. Antaf rumeik yo kev ralpa se pezselud.

- Antaf rumeik yo va intaf aneyaks gruped. Tuke felaybragoda ugaldrasud nume in tuzolonaweper, ise ede zo tiolteyer bam sin bored...

- Sin tid falaf, graskasik ve kaliyir.

  Xanto  
Vergumvelt Le Petit Prince
Sutesik Antoine de Saint-Exupéry
Piskura -
Ava Francava
Evla 1943
  Kalkotavara  
Vergumvelt Sersikam
Kalkotavasik Marjorie Waldstein
Piskura Kotava.org
Evla 2008
Klita Kalkotavaks
  Krentduga  
Webesik Wikimistusik
Krentduga Image:Compare.jpg Tuenayana


Sersikam
(Saint-Exupéry)

← 21-eaf luz - 22-eaf luz - 23-eaf luz →