Sersikam Luz20

Teliz mal Wikikrenteem.

Grablé kal exulera, aneyara

Sersikam


Tol-saneaf luz

Aze ve tiyir da sersikam abrotcion koolaniyison va bixe ik pistok ik nolda, va vawa adim kosmayar. Ise kota vawa den ayik yo sojupar.

- Va win kiavá, in ve kaliyir.

Tiyir matela imwakirafa gu ralta se.

- Va rin kiavá, ralta se ve kaliyid.

Sersikam va sin ve disukeyer. Kot sin va inafa imwa vektayad.

- Toktan tic ? in akoydanon ve eruyur.

- Cin tiv ralta, ralta se ve kaliyid.

- Ax ! sersikam ve askiyir...

Nume in ve pezteyer volkalapaf. Intafa imwa pu in al negayar da tiyir tela antafa ke intaf apt koe tame. Voxe batse alub-decitoy tiyid, kota nuxafa, koe tanoya matela !

« In en zo co-ksaber, in va int ve kaliyir, ede va batcoba co-wir... co-bobapar ise ta grikipeawera co-nuvelapar awalkes. Nume co-gonuvelá da vaon ropé, kire, edeme, ta da in va dere jin pluker en co-roer awalkes... »

Azon in va int dere ve kaliyir : « Folkiyí kulaf gu tanafa imwa voxe va unaykafa imwa anton digí. Batcoba is jinaf baroy tculk ontinaf dum bade, vanmiaeon tanoy rotir tir kotabon kenibes, batcoba va jin me tusersapar... » Nume, senhes koe werd, in ve boreyer.

  Xanto  
Vergumvelt Le Petit Prince
Sutesik Antoine de Saint-Exupéry
Piskura -
Ava Francava
Evla 1943
  Kalkotavara  
Vergumvelt Sersikam
Kalkotavasik Lundesik
Piskura Kotava.org
Evla 2008
Klita Kalkotavaks
  Krentduga  
Webesik Wikimistusik
Krentduga Image:Compare.jpg Tuenayana


Sersikam
(Saint-Exupéry)

← 19-eaf luz - 20-eaf luz - 21-eaf luz →