Philippe Quinault

Teliz mal Wikikrenteem.

Grablé kal exulera, aneyara
Philippe Quinault
1635-1688
Francavaf suterotik


Ba 03/06/1635 koe Paris in koblir.

Nazbeik ke begonyik, tir zanisik is godevrik ke Tristan l’Hermite (mawazanisik va Gazik) turwitis va in. Tison 18-daf, va "Rivales" (Yona kevlikya) suteyer aze askiyir da Tristan va in atoeyer, zornas va gaduca ; grupeyeson va ageltuca, buskusik va dodera va dojeniayano dro vewayad nume pu jotaf sutesik va pakera va kazawakseem drageyed ; batcoba nutir xanta ke askirasang. Quinault va yona baerdafa ezla suteyer ise va bar-sanoya drunta is buska is folva is kaleyna al isker ; va nyabafolva reduyur ; inaf grot tir "La Mère Coquette" (Ekoltafa Gadikya) buska. Vanmiae inaf folveem va "Askate" gonozwat ; vexe in nelkon tir kotgrupaf tuke yona kaleyna : "Thésée" is "Alceste" is "Roland" ikz- eruyun gan Lulli melzaredusik, is tuke "Armide" tolon komelzayan gan taneon Lulli az Glück.

Adim va dokobara ke Quinault ko "Psyché" do Corneille is Molière me rovulkut. Bak 1670 in ko Francaf Cultim zo kazawayar, ikaplekuson va Salomon de Virelade ; tiyir tan tevoy taneaf cultimik dosten koe yona aboyafa disukexa ; ba awalkera ke Colbert va inafa siskava bloktiyayar ise remi 1675 is 1677 va Louis XIV icde maletiks va inaf tawukeem booleyer.

Kal milafa eka dam Corneille ik Racine gan Voltaire ontinapteyenon, va konaka stujera Philippe Quinault neke grupeyer. Va yona gromafa malyopara ke Boileau ik La Fontaine ik Racine ik ar konaktan ekeyer. Varze kotcoba isu kev Charles Perrault va intaf nik levgiyir.

In ba 26/11/1688 awalkeyer.


Philippe Quinault

Philippe Quinault, ayoltaf lingeks (1670)
 Blira 1635-1688
 Ava Francava
 Suterind Wenya, Kaleyna
  Suterot

  • Les Rivales (1653) - Yona kevlikya
  • Astrate (1663)
  • La Mère Coquette (1665) - Ekoltafa Gadikya


Dokobaks do Lulli :

  • La Grotte de Versailles (1668)
  • Psyché (1671)
  • Le Ballet des Ballets (1671)
  • Les Festes de l'Amour et de Bacchus (1672)
  • Cadmus et Hermione (1673)
  • Alceste (1674)
  • Thésée (1675)
  • Atys (1676)
  • Isis (1677)
  • Psyché (1678)
  • Bellérophon (1679)
  • Proserpine (1680)
  • Le Triomphe de l'Amour (1681)
  • Persée (1682)
  • Phaëton (1683)
  • Amadis (1684)
  • Roland (1685)
  • Le Temple de la Paix (1685)
  • Armide (1686)