NyagaceemScapin Nakileem03 Nakila06

Teliz mal Wikikrenteem.

Grablé kal exulera, aneyara

Nyagaceem ke Scapin


Bareaf nakileem, teveafa nakila

Géronte : Ax ! Argante jiomik, volkaluca va jin winon moanzar.

Argante : Dere relkon zo anzá.

Géronte : Scapin webdik, nyagon, va alub-decemoy erbolkap gu jin al levimpar.

Argante : Mil Scapin webdik, dere nyagon, va tol-decemoy erbolkam pu jin al levimpar.

Géronte : Osk va alub-decemoy erbolkap pu jin al levimpar voxosk va jin kinokon merokalinon al askiper. Vexe dodeter.

Argante : Kuraní da in gu rinafa randayera pu jin kevdodeter.

Géronte : Ison ruyé da tulon jaxadatá.

Silvestre : Lorik, askil da va mek pak ke batcoba seotatá !

Géronte : Vexe arcoba tir, Argante jiomik, ise volkalaca sotir abdifa gu ara. Va djupowira va vinutusa nazbeikya re wauneyé ; vexe gu jinaf kwik su ravé da ina va Taranto jontikedje al mallapir ise cugtan folid da koe rundanyayana tota al xonukar.

Argante : Vexe tokdume, kalil, va ina koe Taranto dagiyil ise do int me al malstal ?

Géronte : Va lazavapa batdume dadiyí ; ise nope yon yasuum va bata toleafa kurera batvieli govegubirgá. Vexe va tokcoba wí ?

  Xanto  
Vergumvelt Les Fourberies de Scapin
Sutesik Jean-Baptiste Molière
Piskura -
Ava Francava
Evla 1671
  Kalkotavara  
Vergumvelt Nyagaceem ke Scapin
Kalkotavasik Staren Fetcey
Piskura -
Evla 2006-2013
Klita Kalkotavaks
  Krentduga  
Webesik Vieux Daniel
Krentduga Image:Compare.jpg Vuestena


Nyagaceem ke Scapin (Molière)

Bareaf nakileem

← 5-eafa nakila - 6-eafa nakila - 7-eafa nakila →

Ara ava se