NyagaceemScapin Nakileem02 Nakila02

Teliz mal Wikikrenteem.

Grablé kal exulera, aneyara

Nyagaceem ke Scapin


Toleaf nakileem, toleafa nakila

Géronte : Tokcoba bata arienta batviele rotir ? Lorotaf dam tel inaf ! Sedme jin, va toka rotisa lorotaca me gildá ; ise krupté da kurera voldo finera ke gadikye tir tegira kaike kota gesta. Ax ! Rin batliz. Léandre, ~ vultese enide va in dablur ~ : Ax ! Gadikye, va mana daava pestalé wison da dimpil !

Géronte, ~ vewase da dablur ~ : Aulon. Pulvimit !

Léandre : Mejel da va rin dablú, ise da…

Géronte, ~ va in gire malplatison ~ : Aulon, pu rin kalí !

Léandre : Va tokcoba ? Rin vewal, gadikye, da pu rin dabluson daavamuxá !

Géronte : En, va koncoba godimaotcet, belcon !

Léandre : Va tokcoba ?

Géronte : Ranyepel, enide lenteon di wí !

Léandre : Tokinde ?

Géronte : Va jin ititon disukel !

Léandre : Ex, bam ?

Géronte : Tokcoba batlize kle al sokir ?

Léandre : Sokiyisa ?

Géronte : En. Va tokcoba al askil edje tiyí gracaf ?

Léandre : Gadikye, va tokcoba trakul da al askí ?

Géronte : Me tir jin trakus va rinafa askira, vexe va rinon askiyina coba erú.

Léandre : Jin, va meka temenaca al askí.

Géronte : Va mecoba ?

Léandre : Me.

Géronte : En til elvaf.

Léandre : Va intafa volgunuca lané.

Géronte : Wori Scapin icde rin al kalijí.

Léandre : Scapin !

Géronte : Ax, ax ! Bat yolt va rin tukerar.

Léandre : In icde jin va koncoba pu rin al kalir ?

Géronte : Ta tuvlardara va bata arienta bato xo tir kalvekansafo, nume arlize fu rindet. Ko oga lanit  ! Artimon dimpití. Ax ! Zatkik, ede va jin griporal, wetce nazbeik va rin co-kaagdé acum co-rogoral da va jin parmon otcel.

  Xanto  
Vergumvelt Les Fourberies de Scapin
Sutesik Jean-Baptiste Molière
Piskura -
Ava Francava
Evla 1671
  Kalkotavara  
Vergumvelt Nyagaceem ke Scapin
Kalkotavasik Staren Fetcey
Piskura -
Evla 2006-2013
Klita Kalkotavaks
  Krentduga  
Webesik Vieux Daniel
Krentduga Image:Compare.jpg Vuestena


Nyagaceem ke Scapin (Molière)

Toleaf nakileem

← 1-eafa nakila - 2-eafa nakila - 3-eafa nakila →

Ara ava se