Mixail Coloxov

Teliz mal Wikikrenteem.

Grablé kal exulera, aneyara
Mixail Coloxov

1905-1984
Sovietaf rossiavaf suterotik

 Nobel Suterotafo Poradro : 1965


Михаил Александрович Шолохов (rossiavon)

Mixail Aleksandrovitc Coloxov tir sovietaf rossiavaf suterotik. Bak 1965 va Nobel Suterotafo Poradro zilukur. Strabon tir sutesik va Don Diliodaf Bost.

Mixail Coloxov koe Krujinin wida poke Vecenskaya ke Don gola koblir. Bak 1918 golde Wideytageja zomesa va Don gola va vayara gotutenar. Ko Kerervolia vilter aze va kevaliera va yon ironokaf blay ke Batakervolia paker.

Bak 1922, viele debala dimon tir vumeltafa, ko Moskva divsoker, lize va yona gedrafa exavama funter : va buresik az kijasik az patopik. Va yona fruga va sutesikafa tazukara dere tcoker nume koe konaka fela va yon taneaf warzot sanegar.

Bak 1928, Mixail Coloxov va taneaf dov ke vanpitis nelkaf suterot (Тихий Дон - Tixi Don - Don Diliodaf Bost). Balemeaf dov va 1940 ta piskura di goker.

Bak 1932 Mixail Coloxov va Doevafo Pako ke Sovietafa Tanara yoter nume batvielu di zo porapar ise wetce winugaf suterotik ke vertuma di zo atoer. Bak 1937 vanmia Ilamaf Soviet Viley zo libur, titir bewik ke Istefa Neda ke DPST is bewik ke Opaf Cultim ke TSSS is taneagadesik ke Tanara dem sovietaf suterotik, is wasik va konako poradro.

Bak 1932 va sanegara va toleafa berpotafa doca bokar. Vergumveltkirafa gu Поднятая целина (Podnyataya tselina - Wasarnaxo), in va tudoara va tawamiduxoeem ke Don gola mali 1930 pwader.

Kaikion, in va konak warzot anton suter. Tan, Судьба человека (Sudba tceloveka - Bali ke ayik, 1957) vanpir kiewatcaf elpat.


Mixail Coloxov

Mixail Coloxov
 Blira 1905-1984
 Ava Rossiava
 Suterind Berpot
  Suterot

  • Донские рассказы (1925) - Donskie rasskazi - Yon warzot va Don Bost
  • Лазоревая степь (1926) - Lazorevaya step - Lazorevaya rijust (warzot)
  • Тихий Дон (1928-1940) - Tixi Don - Don Diliodaf Bost (berpot)
  • Поднятая целина (1932-1960) - Podnyataya tselina - Wasarnaxo (berpot)
  • Они сражались за Родину (1942) - Oni srajalis za rodinu - Ta guga kevalieyed (berpot)
  • Наука ненависти (1942) - Nauka Nenavisti - Opa va bogara (warzot)
  • Слово о Родине (1951) - Slovo o Rodine - Aliuca ta guga (warzot)
  • Судьба человека (1957) - Sudba Tceloveka - Bali ke ayik (warzot)