Mikelats is Atarrabi

Teliz mal Wikikrenteem.

Grablé kal exulera, aneyara

Mikelats is Atarrabi
Euskadiafa vunda
  Xanto  
Vergumvelt Mikelats et Atarrabi
Sutesik -
Piskura -
Ava Euskarava
Evla -
  Kalkotavara  
Vergumvelt Mikelats is Atarrabi
Kalkotavasik Damien Etcheverry
Piskura -
Evla 2006
  Krentduga  
Webesik Troubadour
Krentduga Image:75%.jpg Gotuenan


Mikelats is Atarrabi ko bema ke ortlik, ko arula, vayayad.

Teni vayarugal, ta kalzanira va ortlik tan bemik narmon gozavzayar. Sin ve xuyavayad nume tir Mikelats dan gozavzayar. Wori tori berikye va sa ve diyir, keskeon battel zo olhasteyer, batlize koe alava zavzayar, icmilon dam tiyir levetirik ke ortlik. Va inafa runda kle ve nariyir.

Ortlik va Atarrabi ve vebayar da va regelta tisa koe inafo kotranhafo suxo in flancer : tiyir teniskafa kobara kire jumba lidam regelta va ametc yo remayad. Ortlik, dirnunsus va intaf godevrik, gronon eruyur :

– Toklize til Atarrabi ?

Nume Atarrabi godulzeyer :

– Batlize tí.

Atarrabi pu flancesiki ve taveyer da in miv dulzer :

– Batlize tí, kotviele ortlik bibeyer.

Konviele, ortlik tiyir sumef koe alava ke nusi. Atarrabi va arula dimelanison toz divlaniyir, solve da flancesiki vajuleyer da gimbon dulzer : « Batlize tí ». Va nuga nemon al plekuyur da ortlik vaon ve wiyir. In ve grableyer vexe gaverson : Atarrabi ixam diveon tiyir, merozomenon gan rotira ke feliik. Inafa antafa izga ko arula ware malatceyer, acum bata gan ortlik ve zo gralomeyer. Atarrabi izgiskon kle di kruldeyer.