Maldoror Dank01 Food02

Teliz mal Wikikrenteem.

Grablé kal exulera, aneyara

Dankeem ke Maldoror
  Xanto  
Vergumvelt Les chants de Maldoror
Sutesik Isidore Ducasse, okon Lautréamont
Piskura -
Ava Francava
Evla 1868
  Kalkotavara  
Vergumvelt Dankeem ke Maldoror
Kalkotavasik
Piskura -
Evla 2006
Klita Kalkotavaks
  Krentduga  
Webesik Wikimistusik
Krentduga Image: 50%.jpg Gotuwadan


Taneaf dank, toleaf food

Belisik, rotir bogasuca va dana kuranil da koe toza ke bat suteks korozá ! Toktan pu rin kalir da vaon me espedatal, koo jontika dreldaca va int kolavason, lion dam kuranitil, ton mantaf is mazdaf intotcaf pezolkeem, nedison va jivot dum ricol, koe listaf is ebeltaf gael, dum ede va zolonaca ke mani tegi is melopinafa zolonaca ke rinafa mwedafa mola co-kagrupel, da va keraf divdaakekseem vion is ilamkon espedatal ? Pu rin ravaldú, in va toloye tazukiskafe fe ke rinaf pezayaj, ey rostaza, ede soe abdion lwil da va rotapstayana jiluca ke Kotabik bardeciton peztalil ! Rinaf pezolkeem, warlatan tuke meromuxana valeuca ik merolizisa venda, va lokiewafa arcoba pu dark medrayan dum kan kofigasiki is drewa me erutur ; kire kan kalanhuca zo griaelatar, dum pumkik irubas koe cuisuca is dili ke plinaf kelt.

Dankeem ke Maldoror (Lautréamont)

Taneaf dank

← 1-eaf food - 2-eaf food - 3-eaf food →