Lelia

Teliz mal Wikikrenteem.

Grablé kal exulera, aneyara

Bat teliz tir kotavaf suterotvildeks vols kalkotavaks.
Ta pomara icde bata telizinda, va Suterotvildeks teliz disukel.

Lelia

Rupa

Stenio ezlik va Lelia d’Almovar kaikrenar. Yikya va daava is mejera ke kobrara lodam cottci lomegar kire, jotapafa, va volkalafa renara al blidar. Va Lelio renar voxe va in beldar. Va nik is odiaxik yoltkiraf gu Trenmor, ireglies xaltik, dir. Stenio taneon tir lickaf gu Trenmor. Soe vanpir nik viele va in gabuon gu beyolakolafa Lelia katrasir. Poman gan Magnus tucpastik dere jekupun gan Lelia, sin va in lagiwad. Yikya moblir. Arti tanaksatafa antiafa bulura, Lelia vanmia « tamava » dimpir lize va Pulchérie berikya memperablisa katrasir. Lelia pu Stenio walter da di va in kempar, voxe tori kakevetca va berikya ikastakser. Gripokoleno Stenio koe xida ke Magnus kser. Viele Lelia ta wira va Stenio pir, Magnus va in telomtar.

George Sand va berpot ke 1833 ta lokiewatrakurafa tena al fabdur : Lelia va tamaf selt koe xida al lajuredur. Stenio batliz katrasir. Do in flideper nume kser. Magnus bam vleper enide Lelia arti awalkera ko xidaxe zo co-kobuder. Ba awalkera ke Lelia, Trenmor va in poke Stenio kotawar.


  Xanto  
Vergumvelt Lelia
Sutesik George Sand
Ava Francava
Evla 1833/1835


George Sand : Francaf suterotik (Amantine Aurore Lucile Dupin, 1804-1876)