LaFontaine Kudeem Ziasik is Nasbeikeem

Teliz mal Wikikrenteem.

Grablé kal exulera, aneyara

Ziasik is Nasbeikeem
  Xanto  
Vergumvelt Le Laboureur et ses Enfants
Kudak Contes et nouvelles en vers
Sutesik Jean de La Fontaine
Piskura -
Ava Francava
Evla 1665
  Kalkotavara  
Vergumvelt Ziasik is Nasbeikeem
Kalkotavasik Elisabeth Rovall
Piskura Kotava.org
Evla 2005
Klita Kalkotavaks
  Krentduga  
Webesik Seramikya
Krentduga Image:75%.jpg Gotuenan

Ziasik is Nasbeikeem

Kobac, kuncac :

Tir bo leon gracaso.

Kulaf ziasik, kapeztales va monifa awalkera,

Va nasbeikeem ve anamrozayar aze voldo vrutasik ve pulviyir.

Vol doletec, kalir, va konoleks

Iskeyen gan gadikeem.

Jwa koeon preyutawer.

Me grupé toklize; vexe ede takrelanhaf tic

Win rotrasitic ise va in maetec.

Va taya ziac moi 8-aksat.

Bourgac, joxac, vurpac ; va meko xo vulkuc

Lize nuba co-rokooar ike co-rotolkooar.

Gadik awalkeyes, va taya nasbeik yo kataced

Vomeon is kaikeon is kotlize; maninde moi tanda

Tel loon ve ziliduyur.

Erba, meka preyutayana. Vexe gadik ve tir proyaf

Abdi awalkera nediyison

Da kobara tir jwa.


Kudeem (La Fontaine)

← Kabayoc is Onasik - Ziasik is Nasbeikeem - Radekasa Mevtava →