LaFontaine Kudeem Persaal is Edgarda

Teliz mal Wikikrenteem.

Grablé kal exulera, aneyara

Persaal is Edgarda
  Xanto  
Vergumvelt Le Chêne et le Roseau
Sutesik Jean de La Fontaine
Piskura -
Ava Francava
Evla 1665
  Kalkotavara  
Vergumvelt Persaal is Edgarda
Kalkotavasik Elisabeth Rovall
Piskura Kotava.org
Evla 2005
Klita Kalkotavaks
  Krentduga  
Webesik Seramikya
Krentduga Image:75%.jpg Gotuenan

Persaal is Edgarda

Konviele pu Edgarda Persaal kalir :

« Va Tuwava rin ronumanhal ;

Sedme rin sverimi tir pornap.

Sukama,

va lavawelma xuyavon plozasa,

Va rinafa taka tuomar :

Wori jinafo jo, oltavafo dam Kavkaz,

Me anton va awaltolha se azavzar,

Dere va zivotcfo lurskar.

Kotcoba sedme rin tir Aquilon volse sedme jin Zefir.

Icle ede rin al nasbalayal vleve toyeem

Kan dan va vegungaxo modivatcé,

Rin me lion co-mejel :

Kev xefto va rin co-rojú ;

Vexe ferepon nasbalal

Kene abdafa doma ke Sukagazaxo.

Dolge rin Tuwava nuvelanhar enmalhafa.

- Rinafa forndara, pu in Aalam dulzer,

Kou peztakanha tir; vexe vaon ten trumal.

Tori jin leon dam rin suka tir crakefa.

Soawé volse joawé. Kalion

Kev inafa vordavaja yo

Me gesoason rin al acagil ;

Vexe va tena ket ! ». Va batcoba kalison,

Artu zida yatkon vanvulter

Tel lodeaftaf nasbeik

Kalion nasbayan gan Lenteka.

Aal rur ; Edgarda soawer.

Suka tolsugar,

Maneke di divzaetawar

Va tel digiyis va keltvlevefa taka

Vols Awalkikgazaxomoef nugeem.


Kudeem (La Fontaine)

← Idatcol is Namuloloc - Persaal is Edgarda - Awalk is Copik →