LaFontaine Kudeem Krapol is Idatcol is Bresitol

Teliz mal Wikikrenteem.

Grablé kal exulera, aneyara

Krapol is Idatcol is Bresitol
  Xanto  
Vergumvelt Le Lion, le Loup, et le Renard
Kudak Contes et nouvelles en vers
Sutesik Jean de La Fontaine
Piskura -
Ava Francava
Evla 1665
  Kalkotavara  
Vergumvelt Krapol is Idatcol is Bresitol
Kalkotavasik Elisabeth Rovall
Piskura Kotava.org
Evla 2005
Klita Kalkotavaks
  Krentduga  
Webesik Seramikya
Krentduga Image:75%.jpg Gotuenan

Krapol is Idatcol is Bresitol

Axaf is rispakolaf is blitenaf Krapol,

Kuraniyir da va guazucawayot zo kosmar :

Ede pu Gazik volrotise zo abduplekur, tir rofavera.

Vanmiae kot apt

Va akolopik se battel foxier ; Tid ke kota yanba :

Kotlizu van Krapol selaropik se pid ;

Kotlizu fomekzilisik yo pid.

Va worara se,

Pu int Bresitol solnover ise zavzar ilef is stivas.

Idatcol nesar ise viele Gazik senhar

Va intaf gracaf gositik nuler ; Sersik

Djumer da Bresitol deneon zo kovikizar,

Aze da in pir. Bantel pir aze zo atoer ;

Porfeon, grupeson da Idatcol baton askiyir :

- Kivá, Jiomik, kalir, da purajaf munsteks

Pu jin roklason al dirbur

Da va bati brudi al co-arevlá :

Vexe tiyí befoltaf ;

Ise va fuxa ta rinafa galuca vanbuluyú.

Ostik bak koyara al wí

Va bagalakirik yo is grupeik se ; pu sin al kalí

Va prelkasuca ke dana va porfeuca Jiomik kivanhal.

Va iduluca anton rin gracil :

Koe rin klaapa vaon al vilar :

Va ware idulafa is vikizasa alma

Ke basalmayan idatcol moplekul ;

Lanon tir birganha

Tori konjotesa tuwava.

Pu rin Idatcol Weltik zanudatar

Va maxagem ede djumel.

Va bat boy Gazik grivuter :

Idatcol Weltik zo basalmar ise zo ilboder

Ise zo basbewar. Jiomik demon ve sielestur

aze kan alma va int anamplekur ;

Aboyik Weltik se, xaac da va sint vilac :

Va int dasason nesac ede rotir.

Rotuca fuxe kiewuca jonbalemon zo dimstakser.

Nulesik se aron zo esteted :

Koe klepa lize ixena mecoba

Win tic.


Kudeem (La Fontaine)

← Libakol is Imboza - Krapol is Idatcol is Bresitol - Cabiala is Mical →