KanakafaVunda Gejadanka

Teliz mal Wikikrenteem.

Grablé kal exulera, aneyara

Gejadanka


XIII : Gejadanka

Gejokilik (dame pait) va igau (kabera) al iegar ; gejik va sint belcad ; dum jontik talas kiiz.

Va sint belcad ! belcad ! Sinafi tari divlizer ! wan divlizer ! Sure kale pailtegaxo anton tigiyid ; dure kale bira !

Ise kotlize gejie tauler, eafafe ie : « dia, dia, akatika ! »

Diwedik, direvielon, bak taelara, va apel pait rapor kosuxedayan bak dili tite pailtapa al divtawar ; va sfi al burmer ise va pak ke awalkikeem al isker.

Direvielon dere gejik al zo stakser, dem gejaxatcaxa (apuema) bene gexata ; lent volnik va zminta al mimar, nume batinde va yikye al atar.

Dilfun grelt izgon gu miel silukon al lanir aze toloye yikye al zo atad.

Fortey va forteyklita bimilesir ! Manote awalkik ba titawaltara fu kenibed.

Dankasik, ede eldeon winafa swava leve uzdapa krabed, pune kalic inde budik al lubed.

  Xanto  
Vergumvelt Chanson de guerre
Vundak Légendes et chansons de gestes canaques
Sutesik Louise Michel
Piskura Les Petites Affiches de Nouvelle-Calédonie
Ava Francava
Evla 1875
  Kalkotavara  
Vergumvelt Yona kanakafa vunda isu alaakaca
Gejadanka
Kalkotavasik Bruno Cordelier
Piskura Kotava.org
Evla 2007 (tolbuneks : 2013)
Klita Kalkotavaks
  Krentduga  
Webesik Bcordelier
Krentduga Image:Compare.jpg Tuenayana


Kanakafa vunda (Louise Michel)

← XII : Ondue norlik - XIII : Gejadanka - XIV : Mielnega →