KanakafaVunda Batakik

Teliz mal Wikikrenteem.

Grablé kal exulera, aneyara

Batakik


VI : Batakik

Batakik, toklizu lapil ? Va jontik almuk ta layera va wilteem ke rinafa guema al olegal ; va jontik aal ta suxara.

Toka gijarotiaca va rin gu kiray al solimpar kire sumupon al lapil ?

Kire lapil losumuon dam lize ayik irubad, leve fentafa tupaokasa awaltara.

Ede va grupena ewala co-mallapiyil, wilteem ke rinafa guema zo co-lupumuyur, volse suka solamer milinde ben sfi sanon co-askir.

Batakik, va tokcoba pu cin kalitil kire sumupon al lapil ?

Koe rinafo vo, kottan kotvielon sokestur kire gazdafa getinera va rin co-nufuneyer ; va tok pak ke bat kulaceemap pu cin zilitil ?

Batakik va mecoba sonegar ; va mecoba sozilir. Batakik do yon dositik ko patecta va int al inker ; sin va yon fay sinkas va paokafa zaava faytaweyed aze mu int suyud !

Vielu batakik al lapid, mea patav ote sfi al zo warolar ; mea kapav, va koncoba mea patav.

Viel fid dum lavaki ke uzdapa ; tokdume co-sabev larde wiltafa guema ke batakik va domega kotedje kalsuyud.

Sin va Kunye dem paokafa anamba ; va Nji dem molaf usuk ; va kotcoba al narid.

Mea konviele ewalik titir daavaf ; mea konviele moe domega do biraskael.

Guazik ke Kunye batinde kaliyir, vexe yik toz kipeyed, do yona batakikya stuteyed ise va yon gadikyaf furotaflek ziliyid ; do yon ayik ke guemapa va yona gadikyefa raporkufta gu zelt ke batakik ikaziliyid.

Aze kan sfieem moe domega va biraskael tazukayad.


  Xanto  
Vergumvelt Les Blancs
Vundak Légendes et chansons de gestes canaques
Sutesik Louise Michel
Piskura Les Petites Affiches de Nouvelle-Calédonie
Ava Francava
Evla 1875
  Kalkotavara  
Vergumvelt Yona kanakafa vunda isu alaakaca
Batakik
Kalkotavasik Bruno Cordelier
Piskura Kotava.org
Evla 2007 (tolbuneks : 2013)
Klita Kalkotavaks
  Krentduga  
Webesik Bcordelier
Krentduga Image:Compare.jpg Tuenayana


Kanakafa vunda (Louise Michel)

← V : Kou-indio (Uvenda) - VI : Batakik - VII : Idara katcilikya →