Ireglies idatcol

Teliz mal Wikikrenteem.

Grablé kal exulera, aneyara

Ireglies idatcol
Xayastanaf reiz (Xayastana)


Konviele tiyir idatcol stakepes va namulol is ko kota wida erolapas. Turkon, metan tokdume gruper, in ve sidjeyer nume ve ireglieyer ; batdume ve gorayar da va int fabdutur nume va namulol mea konviele laridagabeter.

Enide in va ekeme ke abdiplekura pu kottan nedir, den gertik ve laniyir ise ve eruyur da in muon mistafiptar.

Gertik toz fiptayar ; idatcol buwejason is blikeson tcokeyer. Okie mista jijapayar, jijapayar, kire idatcol va jontik namulol ke gertik al laridagabeyer acum in lujon blikeyer enide idatcol geltron tulokiewawer. Laizon rem dilk itayason idatcol ve wiyir da ko vo kot namulol dimpiyir.

In va int mea rokagiyir ; vexe gertik koe yona blikera rosokeyer ise namulol dimpiyid ise dimpiyid.

Laizon, idatcol mea ve roguvumeltaweyer nume ve divieyer :

− Tenut, gertik ! Edeme kot namulol al dimpitir nume va kon estuolk mea dití !

  Xanto  
Vergumvelt Le loup repenti
Sutesik -
Piskura -
Ava Xayastanava
Evla -
  Kalkotavara  
Vergumvelt Ireglies idatcol
Kalkotavasik Sabrina Benkelloun
Piskura -
Evla 2008
  Krentduga  
Webesik Sab
Krentduga Image:75%.jpg Gotuenana