Indiana

Teliz mal Wikikrenteem.

Grablé kal exulera, aneyara

Bat teliz tir kotavaf suterotvildeks vols kalkotavaks.
Ta pomara icde bata telizinda, va Suterotvildeks teliz disukel.

Indiana

Rupa

Indiana, criolla jotikya vey oluafa yasa, va guazaf is tizaf buluyus fayik, Delmare vombik, volkalon al kurer. Koe winkafe lamone do in gabenon irubar. Toloya antafa tolpozilira tid mouberikya Noun is yona worara ke Ralph kosayik, yikye tumustayane gan yona abditcafa niga. Ko lamone uniferdaf brostasik, fertik ke Noun, Raymon de Ramière artpir. Battan, legaf gu in, va Indiana djubrostar. Kosmason va relmera, Noun kser. Raymon, damo inton lazavayana volkalaca, gan Indiana zo lajurenar vox romeyon nume kalion tulegawer. Rawayan, Delmare vombik ko Bourbon ewala va int godivblir. Fertik zo solparsad vexe Raymon anyan gan volkaluca van int va Indiana rozar. Buluson va kurenik yikya me sidjer kire gan battel zo fikeyer. Raymon, trasiyison va kulikya ta divargera, va Indiana dimemuder. Nume in ton varafa gracira katrasiwer. Gan Ralph kosayik zo giwar ; in givar da Delmare vombik al awalker. Toloy yik bam gorad da ko Bourbon ewala ta ksera di dimlapid. Vexe, vanmiae tuwava, sin va bat awalkedaf azed ebgad aze va yon diliodaf viel blidad.

Toza

Bak muvaf is fedaf muvugalaf sielcek, koe lamoneme ke Brie gola, disukeson va teyedas nornokeem ke teyxo is vion abdunis varlaveel, baroy klokesik va int goreston kokereled. Toloy bat amlitik ko klubafe arge mo int aldoase va int gruidepenon nunafed ; vexe tel bareaf va yona tcala va tcumiverapa ziliyir : moe deba tegulaweyer, va konaka kexafa wirkadara ontinamon elekayar ise va kurtam ben catses flag dendayar, djukulyumason va dof volnik.

  Xanto  
Vergumvelt Indiana
Sutesik George Sand
Ava Francava
Evla 1831


George Sand : Francaf suterotik (Amantine Aurore Lucile Dupin, 1804-1876)