Festki is Tawaki

Teliz mal Wikikrenteem.

Grablé kal exulera, aneyara

Festki is Tawaki
Sereravafa vunda (Senegala)


Festki is Tawaki tiyid doyerumanikya ise Vebrapa tiyir yerumanik. Festki va lird is lavayega vajuleyer. Tawaki burmotayar. Ki ke tawa kev idul me jewer, ise fest ko lava me solelawer.

Sini batinde jontikedje bliyid. Vexe konviele, va sint mijeyed. Nume kottol gorayar da va bantol me di zanayar. Batdume Festki pu Tawaki kaliyir :

— Mevielu, ede va jin co-zinulal, pune di siputawalkel !

Tawaki dulzavayar :

— Ise ede va jin co-gozinulal, rin dere, arse di aelawalkel !

Acum kottol gorayar da antaf va intyona vajulera di viunsuyur.

Tawaki kal lird laniyir, vexe ba gemelt viele lirdeyer, lavabelaxa mo ini ve lubeyer nume solelayar. Festki ko burmotaxo laniyir, aze va tey blotayar, vexe ba gemelt viele ta sukera mo reliez xowayar, ve jeweyer. Vebrapa ta kotawara va sini va welzeem anambeyer, vexe inafa fonta ve joaweyer.


  Xanto  
Vergumvelt Carreau-de-beurre et Morceau-de-terre
Sutesik -
Piskura -
Ava Wolofava
Evla -
  Kalkotavara  
Vergumvelt Festki is Tawaki
Kalkotavasik Marjorie Waldstein
Piskura -
Evla 2013
  Krentduga  
Webesik Marjorie
Krentduga Image:75%.jpg Gotuenana