Empayan trig

Teliz mal Wikikrenteem.

Grablé kal exulera, aneyara

  Xanto  
Vergumvelt Le vase brisé
Ezlak Stances et poèmes
Sutesik Sully Prudhomme
Piskura -
Ava Francava
Evla 1865
  Kalkotavara  
Vergumvelt Empayan trig
Kalkotavasik Marjorie Waldstein
Piskura -
Evla 2006
Klita Kalkotavaks
  Krentduga  
Webesik Wikimistusik
Krentduga Image: 75%.jpg Gotuenan

Empayan trig

Trig lize bata skapra awalker

Ve zo ruelgavordavon vanempar ;

Vordava va in lanon ve vwalamar :

Mek lor va in al razdur.


Voxe waniemeks,

Va vewuk kotvielon bugdas,

Merowinon ise muson

Vaon vion al anamear.


Fedafa lava tantanon al belaxar,

Imwatcavo al puskewer ;

Metan kalion vantrakur,

Me uzal, in tir empayan.


Fereon dere renana nuba,

Va takra vwalason vaon wanier ;

Aze takra miv ludzewer,

Renimwa xonukar ;


Ware dokotaf varze tamaviteem,

In peztaler da tiguaf is aludevaf bakaks

Atrir ise omon ikuzar ;

Tir empayan, me uzal.