Bresitol is jaktol

Teliz mal Wikikrenteem.

Grablé kal exulera, aneyara

Bresitol is jaktol
Siniaf reiz
  Xanto  
Vergumvelt Le Renard et le Tigre
Sutesik -
Piskura -
Ava Siniava
Evla -
  Kalkotavara  
Vergumvelt Bresitol is jaktol
Kalkotavasik Sabrina Benkelloun
Piskura -
Evla 2007
  Krentduga  
Webesik Sab
Krentduga Image:75%.jpg Gotuenan


Gralomeyes va bresitol koe aalxo, jaktol vaon djumestuyur. Bresitol, vepokik, mepauraybotceson puon ve kaliyir :

- Va jin vol estul, gan Keltginik zo staksé nume govanpí Gazik vanmiae sulemeem. Ede va dirgara se ke Keltginik volvegel, en batcel !

Oye lumam ke bresitol, jaktol va inafa sipoyaca yo me nhurnayar. Bresitol ve trenayar :

- Ede va jinafa pulvira volfolil, kadim jin va int rundal, koo wuka fu gozat. Witil inde va jin wison sulem yo zo kovudatad.

Jaktol ve fineyer. Sin mallanid, bresitol kabdueon az pokepon jaktol. Ba wira va jaktol, kot sulem yo radeyeson otced. Bam rwodeson van jaktol, bresitol xulton kalir :

- Disukel, kot sulem va jin kivar !

Nume jaktol enkalir :

- Denon, rin va targucapa pojal. Mali da sin va rin wid, kot otced.